കോവിഡ്​: ചൈനക്ക്​ പുറത്ത്​ രോഗബാധിതരുടെ എണ്ണം 10000 കടന്നു

ജെനീവ: 1792 പുതിയ കേസുകൾ കൂടി റിപ്പോർട്ട്​ ചെയ്​തതോടെ ചൈനക്ക്​ പുറത്ത്​ കോവിഡ്​ -19 (കൊറോണ വൈറസ്​) ബാധിച്ചവരു ടെ എണ്ണം 10,000 കവിഞ്ഞു. ലോകാരോഗ്യ സംഘടന(ഡബ്ല്യു.എച്ച്​.ഒ)യാണ്​ കണക്ക്​ പുറത്തുവിട്ടത്​.

ചൈനക്ക്​ പുറമേ 72രാജ്യങ്ങളിലായി 10,566 പേർക്കാണ്​ രോഗം സ്​ഥിരീകരിച്ചത്​. 166 പേർ ഇതുവരെ മരണപ്പെട്ടു. ഡബ്ല്യു.എച്ച്​.ഒയുടെ കണക്കുപ്രകാരം ചൈനയിൽ 80,304 പേർക്കാണ്​ രോഗം ബാധിച്ചത്​. 2,946 പേർ മരണപ്പെട്ടു.

ഇസ്രയേലിൽ 15 പേർക്ക്​ രോഗബാധ
ടെൽ അവീവ്​: ഇസ്രയേലിൽ കോവിഡ്​ 19 ബാധിച്ചവരുടെ എണ്ണം 15 ആയതായി ആരോഗ്യ മന്ത്രാലയം അറിയിച്ചു. മൂന്നുപേർക്കാണ്​ പുതുതായി രോഗം സ്​ഥിരീകരിച്ചത്​.