Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightWorldchevron_rightമൊബൈൽ ഫോൺ...

മൊബൈൽ ഫോൺ സ്​ക്രീനിലും പ്ലാസ്​റ്റിക്​ ബാങ്ക്​ നോട്ടിലും കൊറോണ വൈറസ്​ 28 ദിവസം അതിജീവിക്കും

text_fields
bookmark_border
മൊബൈൽ ഫോൺ സ്​ക്രീനിലും പ്ലാസ്​റ്റിക്​ ബാങ്ക്​ നോട്ടിലും കൊറോണ വൈറസ്​ 28 ദിവസം അതിജീവിക്കും
cancel

സിഡ്​നി: ​മൊബൈൽ ഫോൺ സ്​ക്രീൻ, പ്ലാസ്​റ്റിക്​ ബാങ്ക്​ നോട്ട്​, സ്​റ്റെയിൻലസ്​ സ്​റ്റീൽ എന്നീ പ്രതലങ്ങളിലെല്ലാം കൊറോണ വൈറസ്​ 28 ദിവസം അതിജീവിക്കുമെന്ന്​ പഠനം. ആസ്​ട്രേലിയൻ നാഷനൽ സയൻസ്​ നടത്തിയ പഠനത്തിലാണ്​ വ്യക്തമായത്​. ചില്ലിലും പ്ലാസ്​റ്റിക്കിലും മൂന്ന്​ ദിവസം വരെ വൈറസ്​ അതിജീവിക്കുമെന്നായിരുന്നു നേരത്തേ കണ്ടെത്തിയത്​.

ഇരുട്ടിൽ ലാബി​ലാണ്​ പരീക്ഷണമെന്നതിനാൽ ഗവേഷണം പൂർണമായും ശരിയാക​ണമെന്നില്ലെന്ന്​ മറ്റ്​ ഗവേഷകർ പറയുന്നുണ്ട്​. അൾട്രാവയലറ്റ്​ രശ്​മികൾ വൈറസിനെ കൊല്ലുമെന്ന്​ നേര​ത്തേതന്നെ കണ്ടെത്തിയിരുന്നു. സാധാരണ നിലയിൽ വൈറസ്​ ബാധിതർ ചുമക്കു​േമ്പാ​േഴാ തുമ്മ​ു​േമ്പാഴോ സംസാരിക്കു​​േമ്പാ​േഴാ ആണ്​ വൈറസ്​ പകരുന്നത്​.

വായുവിൽ തങ്ങിനിന്ന്​ വൈറസ്​ പകരുമെന്ന്​ യു.എസ്​ സെൻറർ ഫോർ ഡിസീസ്​ കൺട്രോൾ കഴിഞ്ഞ ദിവസം വ്യക്തമാക്കിയിരുന്നു. ചൂടു കൂടുന്തോറും വൈറസി​െൻറ അതിജീവന ശേഷി കുറയുമെന്നും ആസ്​​േട്രലിയൻ പഠനം കണ്ടെത്തുന്നുണ്ട്​. 20 ഡിഗ്രി സെൽഷ്യസിൽ 28 ദിവസം വരെ അതിജീവിക്കുന്ന വൈറസ്​, 40 ഡിഗ്രി ചൂടി​െലത്തിയാൽ ഒരു ദിവസത്തിന്​ അപ്പുറം അതിജീവിക്കില്ല.

മനുഷ്യർ തമ്മിൽ സമ്പർക്കത്തിലൂടെയല്ലാതെ കോവിഡ്​ വൈറസ്​ പകരുന്നത്​ അത്യപൂർവമാ​െണന്നും അനാവശ്യഭീതിയാണ്​ ഇത്തരം പഠനങ്ങൾ സൃഷ്​ടിക്കുന്നതെന്നും വൈറോളജി രം​ഗത്തെ വിദഗ്​ധർ തന്നെ പറയുന്നുണ്ട്​. ജൂലൈയിൽ ലാൻസെറ്റ് പ്രസിദ്ധീകരിച്ച പ്രബന്ധത്തിൽ റട്‌ജേഴ്‌സ് സർവകലാശാല മൈക്രോബയോളജി പ്രഫസർ ഇമ്മാനുവൽ ഗോൾഡ്മാൻ 'നിർജീവ പ്രതലങ്ങളിലൂടെ' പകരാനുള്ള സാധ്യത വളരെ ചെറുതാ​െണന്ന്​ കണ്ടെത്തിയിരുന്നു.

പ്രതലങ്ങളിലൂടെ വൈറസ്​ പകരില്ലെന്ന്​ കാലിഫോർണിയ സർവകലാശാല മെഡിസിൻ പ്രഫസർ മോനിക്ക ഗാന്ധി കഴിഞ്ഞയാഴ​്​ച വ്യക്തമാക്കിയിരുന്നു.

തുണി മാസ്​ക്​ സംരക്ഷണമേകും​ ദിനേന കഴുകിയാൽ

മെൽബൺ: തുണി മാസ്ക്കുകൾ ദിവസേന കഴുകിയാൽ കോവിഡ്​ വൈറസിൽനിന്ന്​ സംരക്ഷണമേകുമെന്ന്​ പഠനം. ഉയർന്ന താപനിലയിൽ കഴുകിയാൽ കോവിഡ്-19ന്​ കാരണമാകുന്ന സാർസ്​-കോവ്​ 2 വൈറസ്​ സംക്രമണം ഇല്ലാതാക്കാനോ കുറക്കാനോ സാധിക്കുമെന്ന്​ ആസ്‌ട്രേലിയയിലെ ന്യൂ സൗത്ത് വെയിൽസ് സർവകലാശാലയിലെ പ്രഫസർ റെയ്‌ന മാക്ഇൻറയർ പറഞ്ഞു.

സർജിക്കൽ മാസ്​ക്കുകളും തുണി മാസ്​ക്കുകളും ഒരു തവണ ഉപയോഗിച്ചാൽ മലിനമായതായി കാണണം. വീണ്ടും ഉപയോഗിക്കാവുന്ന തുണി മാസ്​ക്കുകൾ തുടർച്ചയായി ദിവസങ്ങൾ ഉപയോഗിക്കാൻ പാടില്ലെന്നും റെയ്‌ന മാക്ഇൻറയർ പറഞ്ഞു.

Show Full Article
TAGS:covid 19 mobile screen banknote Coronavirus 
Web Title - Coronavirus can survive for 28 days on banknotes, mobile screens: Study
Next Story