വിയറ്റ്​നാം ലോക്​ഡൗണിലായതോടെ​ 'കാപ്പി കുടിക്കാനാവാതെ' ലോകം

ഹാനോയ്​: കോവിഡ്​ കേസുകൾ കുത്തനെ ഉയർന്ന്​ വിയറ്റ്​നാം ലോക്​ഡൗണിൽ കുരുങ്ങിയതിന്​ പണി കിട്ടിയത്​ ചില രാജ്യങ്ങൾക്ക്​. ലോകത്തെ ഏറ്റവും വലിയ രണ്ടാമത്തെ കാപ്പി കയറ്റുമതി രാജ്യമായ വിയറ്റ്​നാമിൽ ലോക്​ഡൗണിനെ തുടർന്ന്​ കാപ്പി കയറ്റുമതി നിലച്ചതാണ്​ വില്ലനായത്​.

ഹോചി മിൻ സിറ്റി തുറമുഖം അടച്ചിട്ടതിന്​ പുറമെ കാപി ഉൽപാദക മേഖലകളിലും നിയന്ത്രണങ്ങൾ വരുത്തിയിട്ടുണ്ട്​. ഇതോ​െട കാപ്പിക്കുരുക്കൾ കയറ്റി അയക്കൽ നിലച്ച മട്ടാണ്​. ഇതാണ്​ മറ്റു രാജ്യങ്ങളെ കുരുക്കിയത്​. യൂറോപിലെ ​കാപി ഇറക്കുമതിയു​െട 20 ശതമാനവും വിയറ്റ്​നാമിൽനിന്നാണ്​. ലോകത്തെ ഏറ്റവും വലിയ കാപ്പി ഉൽപാദകരായ ബ്രസീലിൽ കാലാവസ്​ഥ വില്ലനായത്​ അവിടെനിന്നുള്ള കയറ്റുമതിയെയും ബാധിച്ചിട്ടുണ്ട്​. കൂടുതൽ ചവർപ്പുള്ള കടുത്ത ഇനം റോബസ്റ്റ കാപ്പിയാണ്​ വിയറ്റ്​നാമിന്‍റെ സംഭാവന. എസ്​​പ്രസോ, ഇൻസ്റ്റന്‍റ്​ കോഫി ഇനങ്ങളിൽ ഇവ ഹിറ്റാണ്​. വിയറ്റ്​നാം പണിമുടക്കിയതോടെ കാപ്പിക്ക്​ ആഗോള വിപണിയിൽ വില കൂടിയിട്ടുണ്ട്​.

കോവിഡ്​ ഒന്നാം തരംഗം സമാനമായ നിയന്ത്രണങ്ങൾ വഴി വിയറ്റ്​നാം വരുതിയിലാക്കിയിരുന്നു. വീണ്ടും വിപണി കരുത്തുനേടിവരുന്നതിനിടെയാണ്​ വില്ലൻവേഷം കെട്ടി കോവിഡ്​ രണ്ടാം തരംഗം ശക്​തിയാർജിച്ചത്​. തിങ്കളാഴ്ച മാത്രം 14,219 പേർക്കാണ്​ കോവിഡ്​ വന്നത്​.

കാപ്പിക്കച്ചവടത്തിനൊപ്പം നിർമാണ മേഖലകളും രാജ്യത്ത്​ പ്രതിസന്ധിയിലാണ്​. സാംസങ്​, ​ൈനകി, അഡിഡാസ്​ ഉൾപ്പെടെ കമ്പനികളുടെ ഫാക്​ടറികൾ ഇവിടെ പ്രവർത്തിക്കുന്നുണ്ട്​.