കൊളംബിയയിൽ ആദ്യ ഇടത് പ്രസിഡന്റ്; ഗുസ്താവോ പെട്രോ അധികാര​മേറ്റു

ബൊ​ഗോ​ട്ട: ലാ​റ്റി​ന​മേ​രി​ക്ക​ൻ രാ​ജ്യ​മാ​യ കൊ​ളം​ബി​യ​യു​ടെ ആ​ദ്യ ഇ​ട​ത് പ്ര​സി​ഡ​ന്റാ​യി ഗു​സ്താ​വോ പെ​​ട്രോ (62) സ​ത്യ​പ്ര​തി​ജ്ഞ ചെ​യ്ത് അ​ധി​കാ​ര​മേ​റ്റു. മു​ൻ വി​മ​ത​നും ഗ​റി​ല സം​ഘം എം-19 ​ലെ അം​ഗ​വു​മാ​യി​രു​ന്ന പെ​​ട്രോ ജൂ​ണി​ൽ ന​ട​ന്ന തെ​ര​ഞ്ഞെ​ടു​പ്പി​ൽ റി​യ​ൽ എ​സ്റ്റേ​റ്റ് കോ​ടീ​ശ്വ​ര​ൻ റൊ​ഡോ​ൾ​ഫോ ഹെ​ർ​ണാ​ണ്ട​സി​നെ പ​രാ​ജ​യ​പ്പെ​ടു​ത്തി​യാ​ണ് പ്ര​സി​ഡ​ന്റ് പ​ദ​വി​യി​​ലേ​ക്കെ​ത്തി​യ​ത്.

ജ​ന​സം​ഖ്യാ​ടി​സ്ഥാ​ന​ത്തി​ൽ ലാ​റ്റി​ൻ അ​മേ​രി​ക്ക​യി​ലെ മൂ​ന്നാ​മ​ത്തെ വ​ലി​യ രാ​ജ്യ​മാ​യ കൊ​ളം​ബി​യ​ക്ക് പെ​ട്രോ​യു​ടെ പ്ര​സി​ഡ​ന്റ് പ​ദം ച​രി​ത്ര​പ​ര​മാ​യ കാ​ര​ണ​ങ്ങ​ൾ കൊ​ണ്ടും പ്രാ​ധാ​ന്യ​മു​ള്ള​താ​ണ്. രാ​ജ്യ​ത്ത് അ​ര​നൂ​റ്റാ​ണ്ടി​ലേ​റെ നീ​ണ്ട സാ​യു​ധ​പോ​രാ​ട്ടം കാരണം ഇ​ട​തു​സം​ഘ​ട​ന​ക​ൾ​ക്ക് ക​ൽ​പി​ച്ചി​രു​ന്ന തൊ​ട്ടു​കൂ​ടാ​യ്മ​ക്കാ​ണ് ഇ​തോ​ടെ അ​ന്ത്യ​മാ​കു​ന്ന​ത്. ഗ​റി​ല വി​ഭാ​ഗ​മാ​യ എം-19 ​ന്റെ ഭാ​ഗ​മാ​യി പ്ര​വ​ർ​ത്തി​ച്ച​തി​ന് ഗു​സ്താ​വോ പെ​ട്രോ​ക്ക് ജ​യി​ൽ ശി​ക്ഷ ല​ഭി​ക്കു​ക​യും പി​ന്നീ​ട് പൊ​തു​മാ​പ്പ് ല​ഭി​ക്കു​ക​യും ചെ​യ്തി​രു​ന്നു. ദാ​രി​ദ്ര്യ​നി​ർ​മാ​ർ​ജ​ന പ​ദ്ധ​തി​ക​ളി​ലൂ​ടെ​യും ഗ്രാ​മ​പ്ര​ദേ​ശ​ങ്ങ​ളി​ൽ ന​ട​ത്തു​ന്ന നി​​ക്ഷേ​പ​ങ്ങ​ളി​ലൂ​ടെ​യും കൊ​ളം​ബി​യ​യി​ലെ സ​മൂ​ഹി​ക സാ​മ്പ​ത്തി​ക അ​സ​മ​ത്വം അ​വ​സാ​നി​പ്പി​ക്കു​മെ​ന്ന് പെ​​ട്രോ വാ​ഗ്ദാ​നം ചെ​യ്തി​രു​ന്നു. ​ഇ​പ്പോ​ഴും പ്ര​വ​ർ​ത്തി​ക്കു​ന്ന വി​മ​ത​സം​ഘ​ങ്ങ​ളു​മാ​യി സ​മാ​ധാ​ന ച​ർ​ച്ച​ക​ളാ​രം​ഭി​ക്കു​മെ​ന്നും അ​ദ്ദേ​ഹം അ​റി​യി​ച്ചു.

കോ​വി​ഡ് മ​ഹാ​മാ​രി​ക്കും തു​ട​ർ​ന്നു​ണ്ടാ​യ സാ​മ്പ​ത്തി​ക പ്ര​തി​സ​ന്ധി​ക്കും ശേ​ഷം ലാ​റ്റി​ന​മേ​രി​ക്ക​ൻ രാ​ജ്യ​ങ്ങ​ളി​ൽ ശ​ക്തി പ്രാ​പി​ക്കു​ന്ന ഇ​ട​ത് അ​നു​കൂ​ല ത​രം​ഗ​ത്തി​ന്റെ ഗു​ണ​ഭോ​ക്താ​വാ​ണ് പെ​ട്രോ​യും. ക​​​ഴി​ഞ്ഞ വ​ർ​ഷം ചി​ലി, പെ​റു, ഹോ​ണ്ടു​റാ​സ് എ​ന്നി​വി​ട​ങ്ങ​ളി​ലും ഇ​ട​ത് അ​നു​ഭാ​വി​ക​ളാ​ണ് പ്ര​സി​ഡ​ന്റ് പ​ദ​മേ​റി​യ​ത്.