ഈഫൽ ടവറിന്​​ താഴെ മലയിടുക്കോ? മായക്കാഴ്ച്ച ഒരുക്കി കലാകാരൻ video

പാരിസ്​: ഈഫൽ ടവറിന്​ താഴെ മലയിടുക്കോ? എന്ത്​ അസംബന്ധമാണല്ലേ പറയുന്നത്​. എന്നാൽ സംഗതി ഉള്ളതാ. ജെ.ആർ എന്ന അപരനാമത്തിൽ അറിയപ്പെടുന്ന പ്രശസ്​ത കലാകാര​െൻറ ഏറ്റവും പുതിയ കരവിരുതി​െൻറ ഫലമായാണ്​ ഈഫൽ ടവർ രണ്ട്​ പാറക്കെട്ടുകളുടെ മുനമ്പിൽ സ്​ഥതി ചെയ്യ​ുന്നതായി നമുക്ക്​ തോന്നുന്നത്​.

ജെ.ആർ പാരീസ്​ നഗരത്തിലെ ഈഫൽ ടവർ ഒരു പാറക്കൂട്ടത്തിന് മുകളിലാണെന്ന മിഥ്യാധാരണ സൃഷ്ടിക്കുകയാണ്​. ഒരു മലയിടുക്കി​െൻറ ചിത്രവും ഈഫൽ ടവറി​െൻറ അടിത്തറയായ തൂണുകളും ഉൾപെടുത്തിയിട്ടുള്ളതാണ്​ കലാസൃഷ്ടി​​.

ഒരാൾ ശരിയായ സ്ഥലത്ത് നിൽക്കുമ്പോൾ, മുൻവശത്തെ കലാസൃഷ്ടികളും പശ്ചാത്തലത്തിലുള്ള ഗോപുരവും ഒരുമിച്ച്​ അണിനിരക്കുന്നതോടെ മായക്കാഴ്ച്ച (ഒപ്​ടിക്കൽ ഇല്യൂഷൻ) സൃഷ്ടിക്കപ്പെടുന്നു. യുഎസ്-മെക്സിക്കോ അതിർത്തിയിലെ മതിലിലും പാരീസിലെ ലൂവ്രെ മ്യൂസിയത്തി​െൻറ മുറ്റത്തും ജെ.ആറി​െൻറ മറ്റ്​ രണ്ട്​ പ്രശസ്​തമായ കലാസൃഷ്​ടികളുണ്ട്​.