ജ​സീ​ന്ത ആ​ർ​ഡേ​ന് ശേഷം ന്യൂ​സി​ല​ൻ​ഡ് പ്രധാനമന്ത്രി ക്രിസ് ഹിപ്കിൻസ്

വെ​ലി​ങ്ട​ൺ: പടിയിറങ്ങുന്ന ജ​സീ​ന്ത ആ​ർ​ഡേ​ന് ശേഷം ന്യൂ​സി​ല​ൻ​ഡ് പ്രധാനമന്ത്രിയായി സ്ഥാനമേൽക്കുക ക്രിസ് ഹിപ്കിൻസ്. അദ്ദേഹത്തെ പ്രധാനമന്ത്രിയാക്കാൻ ലേബർ പാർട്ടി തീരുമാനിച്ചു. പ്രധാനമന്ത്രി സ്ഥാനത്തേക്ക് മറ്റാരും മത്സരിക്കാനില്ലാത്തതിനാൽ ഞായറാഴ്ച നടക്കുന്ന യോഗത്തിൽ 44കാരനായ ഹിപ്കിൻസ് ഔദ്യോഗികമായി സത്യപ്രതിജ്ഞ ചെയ്യും. ഇത് ജീവിതത്തിലെ ഏറ്റവും വലിയ ഉത്തരവാദിത്തവും ഏറ്റവും വലിയ പദവിയുമാണെന്ന് ക്രിസ് ഹിപ്കിൻസ് പ്രതികരിച്ചു.

ഹിപ്കിൻസ് ആദ്യമായി പാർലമെന്റിലേക്ക് തിരഞ്ഞെടുക്കപ്പെട്ടത് 2008ലാണ്. 2020 നവംബറിൽ കോവിഡിന്‍റെ ചുമതലയുള്ള മന്ത്രിയായി. കോവിഡ് പ്രതിരോധ പ്രവർത്തനങ്ങളിലൂടെ ജനപ്രിയനായി മാറുകയും ചെയ്തു.

ഫെ​ബ്രു​വ​രി ഏ​ഴി​ന് ന്യൂ​സി​ല​ൻ​ഡ് പ്ര​ധാ​ന​മ​ന്ത്രി​സ്ഥാ​ന​വും ലേ​ബ​ർ പാ​ർ​ട്ടി നേ​തൃ​സ്ഥാ​ന​വും രാ​ജി​വെ​ക്കു​മെന്നാണ് ജ​സീ​ന്ത അറിയിച്ചിട്ടുള്ളത്. ഇതോടെയാണ് പുതിയ നേ​താ​വി​​നെ​യും പ്ര​ധാ​ന​മ​ന്ത്രി​യെ​യും ​തെ​ര​​​ഞ്ഞെ​ടു​ക്കാ​നു​ള്ള ന​ട​പ​ടി​ക​ൾ ലേ​ബ​ർ പാ​ർ​ട്ടി ആ​രം​ഭി​ച്ചത്.

2023 ഒ​ക്ടോ​ബ​ർ 14ന് ​ന്യൂ​സി​ല​ൻ​ഡി​ൽ ​തെ​ര​ഞ്ഞെ​ടു​പ്പ് ന​ട​ക്കാ​നി​രി​ക്കെ​യാ​ണ് ജ​സീ​ന്ത രാജി പ്രഖ്യാപിച്ചത്. ക്രൈ​സ്റ്റ് ച​ർ​ച്ച് വെ​ടി​വെ​പ്പ്, കോ​വി​ഡ് മ​ഹാ​മാ​രി, വൈ​റ്റ് ഐ​ല​ൻ​ഡ് അ​ഗ്നി​പ​ർ​വ​ത സ്ഫോ​ട​നം തു​ട​ങ്ങി​യ നി​ർ​ണാ​യ​ക മു​ഹൂ​ർ​ത്ത​ങ്ങ​ളി​ൽ ന്യൂ​സി​ല​ൻ​ഡി​നെ മു​ന്നി​ൽ​നി​ന്ന് ന​യി​ച്ചാണ് ജ​സീ​ന്ത ആ​ർ​ഡേ​ൻ പ​ടി​യി​റ​ങ്ങു​ന്നത്. ലോ​ക​ത്തി​​ലെ ഏ​റ്റ​വും പ്രാ​യം​കു​റ​ഞ്ഞ വ​നി​ത ഭ​ര​ണാ​ധി​കാ​രി, അ​ധി​കാ​ര​ത്തി​ലി​രി​ക്കെ കു​ഞ്ഞി​ന് ജ​ന്മം ന​ൽ​കി​യ ര​ണ്ടാ​മ​ത്തെ വ​നി​ത തു​ട​ങ്ങി​യ ബ​ഹു​മ​തി​ക​ൾ സ്വ​ന്ത​മാ​ക്കി​.