തിബത്തിൽ ഷി ജിൻപിങ്ങി​െൻറ അപൂർവ സന്ദർശനം

ബെയ്​ജിങ്​: തന്ത്രപ്രധാന ​രാഷ്​ട്രീയ മേഖലയായ തിബത്തിൽ അപ്രതീക്ഷിതവും അപൂർവവുമായ സന്ദർശനം നടത്തി ചൈനീസ്​ പ്രസിഡൻറ്​ ഷി ജിൻപിങ്​. 30 വർഷത്തിനിടെ ആദ്യമായാണ്​ ചൈനയിലെ തലമുതിർന്ന നേതാവ്​ തിബത്ത്​​ സന്ദർശിക്കുന്നത്​. ഷിയുടെ സന്ദർശനത്തെക്കുറിച്ച്​ ഔദ്യോഗിക മാധ്യമങ്ങൾപോലും റിപ്പോർട്ട്​ ചെയ്​തിരുന്നില്ല.

ജിയാങ്​ സെമിനാണ്​ ഷി ക്കുമുമ്പ്​ തിബത്ത്​​ സന്ദർശിച്ച ചൈനീസ്​ പ്രസിഡൻറ്​. 1990ലായിരുന്നു അത്​. 1998ലും ഷി തിബത്ത്​​ സന്ദർശിച്ചിടുണ്ട്​. അന്ന്​ അദ്ദേഹം പ്രസിഡൻറായിരുന്നില്ല. ഷിയുടെ സന്ദർശനത്തിനു മുമ്പായി രാജ്യത്തെ റോഡുകൾ ഉപരോധിക്കുകയും സുരക്ഷസേന ആളുകളെ പരിശോധിക്കുകയും ചെയ്​തിരുന്നതായി തിബത്തൻ ജനതയുടെ അവകാശങ്ങൾക്കായി ശബ്​ദമുയർത്തുന്ന സംഘം പറഞ്ഞു.