Begin typing your search above and press return to search.
exit_to_app
exit_to_app
Homechevron_rightNewschevron_rightWorldchevron_rightതാലിബാനുമായി ചർച്ച...

താലിബാനുമായി ചർച്ച നടത്തി ചൈന; പിന്തുണയും സഹായവും ഉറപ്പു നൽകി

text_fields
bookmark_border
taliban-china
cancel
camera_alt

താലിബാൻ ഉപ പ്രധാനമന്ത്രി മുല്ല അബ്​ദുൽ ഗനി ബറാദാർ ചൈനീസ്​ വിദേശകാര്യ വകുപ്പ്​ മന്ത്രി വാങ്​ യിക്കൊപ്പം (ഫയൽ)

താലിബാൻ പ്രതിനിധികളുമായി ചൈനീസ്​ വിദേശകാര്യ മന്ത്രി ദോഹയിൽ ചർച്ച നടത്തി. ചർച്ചയിൽ അഫ്​ഗാന്​ മാനുഷികമായ പിന്തുണയും സഹായവും ചൈന ഉറപ്പു നൽകി. ചൈനയോടുള്ള സൗഹാർദം ശരിയായ തീരുമാനമായിരുന്നെന്ന്​ താലിബാൻ പ്രതികരിക്കുകയും ചെയ്​തു.

ചൈനയുടെ വിദേശകാര്യ മന്ത്രി വാങ്​ യി, താലിബാൻ ഉപപ്രധാനമന്തി മുല്ല അബ്​ദുൽ ഗനി ബറാദർ എന്നിവരാണ്​ ദോഹയിൽ ചർച്ച നടത്തിയത്​.

അഫ്​ഗാന്​ മാനുഷികമായ സഹായം തുടരാനുള്ള സന്നദ്ധത ചർച്ചയിൽ ചൈന പ്രകടിപ്പിച്ചു. താൽകാലികമായ പ്രതിസന്ധികളെ അതിജീവിക്കാൻ അഫ്​ഗാനെ അന്താരാഷ്​ട്ര സമൂഹവുമായി ചേർന്ന്​ സഹായിക്കുമെന്ന്​ വാങ്​ യി പറഞ്ഞു. മരുന്നും വാക്​സിനും ധാന്യവുമടക്കം നാലു കോടി ഡോളറിന്‍റെ സഹായം ​ചൈന നേരത്തെ പ്രഖ്യാപിച്ചിരുന്നു.

ഭീകര സംഘങ്ങളുടെ പ്രവർത്തനം താലിബാൻ തടയുമെന്നാണ്​​ പ്രതീക്ഷയെന്ന്​ ചൈന വ്യക്​തമാക്കി. ​ൈചനയുടെ ഷിൻജിയാങ്​ പ്രവിശ്യയിൽ നിരവധി ആക്രമണങ്ങൾ നടത്തിയതായി ആരോപണമുള്ള ഈസ്റ്റ്​ തുർക്കസ്​ഥൻ ഇസ്​ലാമിക്​ മൂവ്​മെന്‍റ്​ പോലുള്ള സംഘടനകളെ താലിബാൻ അടിച്ചമർത്തുമെന്ന പ്രതീക്ഷയും ചൈന പ്രകടിപ്പിച്ചു.

നടപടികളിലും നിലപാടിലും തുറന്ന സമീപനവും സഹിഷ്​ണുതയും ആവശ്യമാണെന്ന്​ താലിബാനെ ചൈന ഒാർമപ്പെടുത്തി. സ്​ത്രീകളുടെയും കുട്ടികളുടെയും അവകാശങ്ങൾ സംരക്ഷിക്കണമെന്നും ചൈന ആഹ്വാനം ചെയ്​തു.

​'ൈചന ഒരിക്കലും അഫ്​ഗാന്‍റെ ആഭ്യന്തര കാര്യങ്ങളിൽ സ്വാർത്ഥ താൽപര്യങ്ങളുമായി ഇടപെട്ടിട്ടില്ല' -അമേരിക്കയുടെ ഇടപെടലുകളെ സൂചിപ്പിച്ചുകൊണ്ട്​ വാങ്​ യി പറഞ്ഞു.

'ചൈന എപ്പോഴും അഫ്​ഗാന്‍റെ പരമാധികാരത്തെ സ്വാതന്ത്ര്യ അവകാശത്തെയും അതിർത്തിയെയും ആദരിച്ചിട്ടുണ്ട്​. സ്വന്തം വിധി നിർണയിക്കാനും വികസന പാത തെരഞ്ഞെടുക്കാനുമുള്ള അഫ്​ഗാൻ ജനതയുടെ അവകാശത്തെ മാനിക്കുകയും പിന്തുണക്കുകയും ചെയ്യും' -വാങ്​ യി പറഞ്ഞു.

ചൈനക്കെതിരെ അഫ്​ഗാന്‍റെ മണ്ണ്​ ഉപയോഗിക്കാൻ ആരെയും അനുവദിക്കില്ലെന്ന്​ താലിബാൻ ഉറപ്പു നൽകി. അഫ്​ഗാനിൽ ചൈനീസ്​ നിക്ഷേപത്തിന്​ താലിബാൻ അനുകൂലമാണ്​. ചൈന-പാക്​ എകണോമിക്​ കോറിഡോർ റോഡ്​ പദ്ധതി അഫ്​ഗാനിലേക്ക്​ നീട്ടാനും താലിബാന്​ താൽപര്യമുണ്ട്​.

അതേസമയം, അഫ്​ഗാനിൽ തിടുക്കത്തിൽ നിക്ഷേപമിറക്കേണ്ടെന്ന നിലപാടിലാണ്​ ചൈനീസ്​ കമ്പനികൾ. സാഹചര്യങ്ങൾ സസൂക്ഷമം നിരീക്ഷിക്കുന്ന കമ്പനികൾ, സുരക്ഷ ഉറപ്പാക്കുന്ന സർക്കാറാണ്​ അഫ്​ഗാനിലുള്ളതെന്ന്​ തെളിയ​ട്ടെ എന്ന നിലപാടിലാണ്​. അഫ്​ഗാനിൽ ചെമ്പ്​ ഖനനമടക്കമുള്ള വൻകിട ചൈനീസ്​ പദ്ധതികൾ വർഷങ്ങളായി അനുഷകൂല സാഹചര്യം കാത്ത്​ കിടക്കുന്നുണ്ട്​.

Show Full Article
TAGS:Taliban Afghanistan china 
News Summary - China’s Foreign Minister meets Taliban, offers support
Next Story