ചൈനയിൽ ഷി ജിൻപിങ്ങിന്‍റെ 'ചിന്ത' പാഠ്യപദ്ധതിയുടെ ഭാഗം

ബെയ്​ജിങ്​: ചൈനയിൽ പ്രസിഡൻറ്​ ഷി ജിൻപിങ്ങി​െൻറ രാഷ്​ട്രീയചിന്ത സ്​കൂൾ പാഠ്യപദ്ധതിയിൽ ഉൾപ്പെടുത്തുന്നു.ചൈനീസ്​ വിദ്യാഭ്യാസ വകുപ്പ്​ പുറത്തിറക്കിയ പുതിയ മാർഗനിർദേശങ്ങളിലാണ്​ ഇക്കാര്യം വ്യക്തമാക്കിയത്​.

കൗമാരക്കാരിൽ മാർക്​സിസ്​റ്റ്​ വിശ്വാസത്തി​െൻറ അടിത്തറ പാകാൻ ഇത്​ സഹായകമാകുമെന്നാണ്​ കരുതുന്നതെന്ന്​ വിദ്യാഭ്യാസ മന്ത്രാലയം അറിയിച്ചു. പ്രൈമറിതലം തൊട്ട്​ സർവകലാശാല തലം വരെ ഷിയുടെ ചിന്തകൾ പഠിപ്പിക്കാനാണ്​ തീരുമാനം.

ഷിയുടെ ലേഖനങ്ങളിൽനിന്നും പ്രസംഗങ്ങളിൽനിന്നും ഉരുത്തിരിഞ്ഞ ആശയങ്ങളാണ്​ ഷി ജിൻപിങ്​ ചിന്ത എന്നറിയപ്പെടുന്നത്​. 2017ൽ ചൈനീസ്​ കമ്യൂണിസ്​റ്റ്​ പാർട്ടിയുടെ 19ാം നാഷനൽ കോ​ൺഗ്രസിലാണ്​ ഇതിനെക്കുറിച്ച്​ ആദ്യമായി പരാമർശിക്കുന്നത്​. 2018ൽ ഷിയുടെ ചിന്തകൾ ഭരണഘടനയിൽ ഉൾപ്പെടുത്തിയിരുന്നു. ഷി ചിന്തയെക്കുറിച്ച്​ പഠിക്കാൻ 20 സർവകലാശാലകൾ ഗവേഷണ സ്​ഥാപനങ്ങൾ സ്​ഥാപിച്ചിട്ടുണ്ട്​.