Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightWorldchevron_rightഭൂട്ടാനിൽ ചൈനീസ്...

ഭൂട്ടാനിൽ ചൈനീസ് കൈയേറ്റം

text_fields
bookmark_border
ഭൂട്ടാനിൽ ചൈനീസ് കൈയേറ്റം
cancel

ന്യൂ​ഡ​ൽ​ഹി: ഇ​ന്ത്യ-​ചൈ​ന അ​തി​ർ​ത്തി രാ​ജ്യ​മാ​യ ഭൂ​ട്ടാ​നി​ൽ ചൈ​നീ​സ് കൈ​യേ​റ്റം. ഭൂ​ട്ടാ​നി​ൽ ചൈ​ന നി​ർ​മി​ച്ച 166 കെ​ട്ടി​ട​ങ്ങ​ളു​ടെ വ്യ​ക്ത​ത​യാ​ർ​ന്ന ഉ​പ​ഗ്ര​ഹ ചി​ത്ര​ങ്ങ​ൾ പു​റ​ത്തു​വ​ന്ന​താ​ണ് ക​ട​ന്നു​ക​യ​റ്റം സ്ഥി​രീ​ക​രി​ക്കു​ന്ന​ത്. ചൈ​ന​യെ ഒ​രു വി​ധ​ത്തി​ലും സാ​യു​ധ​മാ​യി നേ​രി​ടാ​ൻ കെ​ൽ​പി​ല്ലാ​ത്ത ഭൂ​ട്ടാ​ൻ, രാ​ജ്യ​സു​ര​ക്ഷ​ക്ക് പൂ​ർ​ണ​മാ​യും ആ​ശ്ര​യി​ക്കു​ന്ന​ത് ഇ​ന്ത്യ​യെ​യാ​ണ്.

2017ൽ ​ഇ​ന്ത്യ​യും ചൈ​ന​യും ത​മ്മി​ൽ 70 ദി​വ​സ​ത്തി​ലേ​റെ നീ​ണ്ട അ​തി​ർ​ത്തി സം​ഘ​ർ​ഷ​ത്തി​നു കാ​ര​ണ​മാ​യ ദോ​ക് ലാം ​മു​ക്ക​വ​ല (ഇ​ന്ത്യ-​ചൈ​ന-​ഭൂ​ട്ടാ​ൻ അ​തി​ർ​ത്തി പ്ര​ദേ​ശം) യി​ൽ​നി​ന്ന് 30 കി.​മീ​റ്റ​ർ ദൂ​ര​ത്തി​ന​ക​ത്താ​ണ് ഭൂ​ട്ടാ​നി​ൽ ചൈ​ന​യു​ടെ പു​തി​യ നി​ർ​മാ​ണം. ദോ ​ക്ലാ​മി​ൽ ചൈ​ന​യു​ടെ റോ​ഡ് നി​ർ​മാ​ണം ഇ​ന്ത്യ​ൻ സൈ​ന്യം ത​ട​ഞ്ഞ​തി​നെ തു​ട​ർ​ന്ന് ഇ​വി​ടെ നി​ന്ന് ഒ​മ്പ​തു കി​ലോ​മീ​റ്റ​ർ മാ​റി ചൈ​ന മ​റ്റൊ​രു റോ​ഡ് നി​ർ​മി​ക്കാ​ൻ തു​ട​ങ്ങി​യ​തി​ന്‍റെ ഉ​പ​ഗ്ര​ഹ ചി​ത്ര​ങ്ങ​ൾ 2020 ന​വം​ബ​റി​ൽ പു​റ​ത്ത് വ​ന്നി​രു​ന്നു.

നി​ർ​മാ​ണം ക​ഴി​ഞ്ഞ​തും നി​ർ​മാ​ണ​ത്തി​ലി​രി​ക്കു​ന്ന​തു​മാ​യ വി​വി​ധ ത​രം കെ​ട്ടി​ട​ങ്ങ​ളു​ടെ​യും പു​തി​യ പാ​ത​ക​ളു​ടേ​യും ചി​ത്ര​ങ്ങ​ളാ​ണ് ഇ​പ്പോ​ൾ പു​റ​ത്ത് വ​ന്നി​രി​ക്കു​ന്ന​ത്. മ​ണ്ണ് മാ​ന്തി യ​ന്ത്ര​മ​ട​ക്കം നി​ർ​മാ​ണ സാ​മ​ഗ്രി​ക​ളും ദേ​ശീ​യ ടെ​ലി​വി​ഷ​ൻ ചാ​ന​ലാ​യ എ​ൻ.​ഡി.​ടി.​വി​ക്ക് ല​ഭി​ച്ച ഉ​പ​ഗ്ര​ഹ ചി​ത്ര​ങ്ങ​ളി​ൽ വ്യ​ക്ത​മാ​ണ്. സൈ​നി​ക വി​ന്യാ​സ​മാ​ണോ അ​തോ ക​ട​ന്നു​ക​യ​റ്റ​മാ​ണോ ചൈ​ന ഇ​തി​ലൂ​ടെ ല​ക്ഷ്യ​മി​ടു​ന്ന​തെ​ന്ന് വ്യ​ക്ത​മാ​യി​ട്ടി​ല്ല. നാ​ല് പ​തി​റ്റാ​ണ്ടാ​യി അ​തി​ർ​ത്തി ത​ർ​ക്കം നി​ല​നി​ൽ​ക്കു​ന്ന രാ​ജ്യ​ങ്ങ​ളാ​ണ് ചൈ​ന​യും ഭൂ​ട്ടാ​നും. ഇ​രു രാ​ജ്യ​ങ്ങ​ളും ത​മ്മി​ലെ ച​ർ​ച്ച​യു​ടെ ഫ​ല​ങ്ങ​ൾ പു​റ​ത്തു വ​രാ​റി​ല്ലെ​ങ്കി​ലും ഭൂ​ട്ടാ​ൻ, അ​വ​രു​ടെ ഒ​രി​ഞ്ച് ഭൂ​മി പോ​ലും ചൈ​ന​ക്ക് ഇ​തു​വ​രെ വി​ട്ടു​കൊ​ടു​ത്തി​ട്ടു​മി​ല്ല. അ​തേ സ​മ​യം ഇ​ന്ത്യ​യു​ടെ ഉ​റ്റ സൗ​ഹൃ​ദ രാ​ജ്യ​മാ​ണ് ഭൂ​ട്ടാ​ൻ. അ​വ​രു​ടെ വി​ദേ​ശ​ന​യം തീ​രു​മാ​നി​ക്കു​ന്ന​തി​ൽ​പോ​ലും ഇ​ന്ത്യ​ക്ക് നി​ർ​ണാ​യ​ക പ​ങ്കു​ണ്ട്.

അ​തി​ർ​ത്തി ത​ർ​ക്ക​മു​ള്ള രാ​ജ്യ​ങ്ങ​ളി​ലെ​ല്ലാം ക​ട​ന്നു ക​യ​റി നി​ർ​മാ​ണം ന​ട​ത്തു​ന്ന രീ​തി ഏ​റെ നാ​ളാ​യി പി​ന്തു​ട​രു​ന്ന രാ​ജ്യ​മാ​ണ് ചൈ​ന. ചൈ​ന​യു​ടെ ഈ ​രീ​തി​യി​ലു​ള്ള ക​ട​ന്നു​ക​യ​റ്റ​ത്തെ 'സ​ലാ​മി സ്ലൈ​സി​ങ്​' (ഇ​റ​ച്ചി വി​ഭ​വ​ത്തി​ൽ​നി​ന്ന് കു​റേ​ശ്ശെ​യാ​യി മാം​സം അ​രി​ഞ്ഞെ​ടു​ക്ക​ൽ) എ​ന്നാ​ണ് അ​ടു​ത്തി​ടെ ഹെ​ലി​കോ​പ്ട​ർ അ​പ​ക​ട​ത്തി​ൽ മ​രി​ച്ച സം​യു​ക്ത​സേ​നാ മേ​ധാ​വി ജ​ന​റ​ൽ ബി​പി​ൻ റാ​വ​ത്ത് ഒ​രി​ക്ക​ൽ വി​ശേ​ഷി​പ്പി​ച്ച​ത്.കി​ഴ​ക്ക​ൻ ല​ഡാ​ക്കി​ൽ ചൈ​ന ക​ട​ന്നു​ക​യ​റ്റ​ത്തി​ന് ശ്ര​മി​ച്ച​തി​നെ തു​ട​ർ​ന്ന് ഇ​ന്ത്യ​യു​മാ​യു​ണ്ടാ​യ സം​ഘ​ർ​ഷം നീ​ണ്ട​ത് ര​ണ്ടു വ​ർ​ഷ​ത്തി​ലേ​റെ​യാ​ണ്. അ​ടു​ത്തി​ടെ ഇ​ന്ത്യ​ൻ സം​സ്ഥാ​ന​മാ​യ അ​രു​ണാ​ച​ൽ പ്ര​ദേ​ശി​ലും ചൈ​ന അ​ന​ധി​കൃ​ത നി​ർ​മാ​ണം ന​ട​ത്തി​യി​രു​ന്നു. ഇ​ന്ത്യ​ൻ സൈ​ന്യം നേ​രി​ട്ട് പ​ട്രോ​ളി​ങ്​ ന​ട​ത്താ​ത്ത സ്ഥ​ല​ത്താ​യി​രു​ന്നു ചൈ​ന​യു​ടെ ക​ട​ന്നു​ക​യ​റ്റം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:BhutanChina
News Summary - China steps up construction along disputed Bhutan border, satellite images show
Next Story