Top
Begin typing your search above and press return to search.
keyboard_arrow_down
Login
exit_to_app
exit_to_app
ശീതീകരിച്ച മത്സ്യപായ്​ക്കറ്റിൽ വൈറസ്​ സാന്നിധ്യം; ഇന്ത്യൻ കമ്പനിക്ക്​ ചൈനയിൽ ഇറക്കുമതി വിലക്ക്​
cancel
Homechevron_rightNewschevron_rightWorldchevron_rightശീതീകരിച്ച...

ശീതീകരിച്ച മത്സ്യപായ്​ക്കറ്റിൽ വൈറസ്​ സാന്നിധ്യം; ഇന്ത്യൻ കമ്പനിക്ക്​ ചൈനയിൽ ഇറക്കുമതി വിലക്ക്​

text_fields
bookmark_border

ബെയ്​ജിങ്​: ഇന്ത്യയിൽനിന്ന്​ എത്തിച്ച ശീതീകരിച്ച മത്സ്യപായ്​ക്കറ്റിൽ കൊറോണ വൈറസ്​ സാന്നിധ്യം കണ്ടെത്തിയതായി ചൈന. വൈറസ്​ സാന്നിധ്യം കണ്ടെത്തിയതിനെ തുടർന്ന്​ ഇന്ത്യൻ ഭക്ഷ്യവിതരണ കമ്പനിയായ ബസു ഇൻറർനാഷനലിന്​ ഒരാഴ്​ചത്തേക്ക്​ ഇറക്കുമതി വിലക്ക്​ ഏർപ്പെടുത്തി. ചൈനീസ്​ കസ്​റ്റംസ്​ ഓഫിസ്​ അറിയിച്ചതാണ്​ ഇക്കാര്യം.

മത്സ്യം ​പൊതിഞ്ഞുസൂക്ഷിച്ചിരുന്ന പാക്കേജി​െൻറ പുറത്തുനിന്ന്​ ശേഖരിച്ച മൂന്നു സാമ്പിളുകളിലാണ്​ കൊറോണ വൈറസ്​ സാന്നിധ്യം കണ്ടെത്തിയത്​. ഒരാഴ്​ചക്ക്​ ശേഷം കമ്പനിക്കുള്ള ഇറക്കുമതി വിലക്ക്​ നീങ്ങുമെന്നും കസ്​റ്റംസ്​ ജനറൽ അഡ്​മിനി​സ്​ട്രേഷൻ പ്രസ്​താവനയിലൂടെ അറിയിച്ചു.

ഇറക്കുമതി ചെയ്​ത ശീതികരിച്ച ഭക്ഷണപായ്​ക്കറ്റിന്​ മുകളിൽ സജീവമായ കൊറോണ വൈറസ്​ സാന്നിധ്യം കണ്ടെത്തിയതായി ചൈന നേരത്തേയും അറിയിച്ചിരുന്നു. ​ക്വിങ്​ഡോയിലെ ഒരു വ്യാപാരം ഇറക്കുമതി ചെയ്​ത പായ്​ക്കറ്റിലായിരുന്നു വൈറസ്​ സാന്നിധ്യം. വൈറസി​െൻറ സാന്നിധ്യമുള്ള പായ്​ക്കറ്റുമായി സമ്പർക്കത്തിൽ വരുന്നത്​ രോഗവ്യാപനത്തിന്​ ഇടയാക്കുമെന്നും ചൈന അറിയിച്ചിരുന്നു.

ജൂലൈയിൽ ശീതീകരിച്ച ചെമ്മീൻ പായ്​ക്കറ്റിൽ നിർജീവമായ വൈറസി​െൻറ സാന്നിധ്യം ​കണ്ടെത്തിയതിനെ തുടർന്ന്​ ​ചെമ്മീനി​െൻറ ഇറക്കുമതി ചൈനയിൽ നിരോധിച്ചിരുന്നു.

Show Full Article
TAGS:China Fish Indian Firm Coronavirus Covid 19 
Web Title - China Says Fish Imports From Indian Firm Suspended As Coronavirus Found
Next Story