ചൈനയിൽ മൂന്നു വയസിനു മുകളിലുള്ളവർക്ക്​ കോവിഡ്​ വാക്​സിൻ നൽകുന്നു

ബെയ്​ജിങ്​: കോവിഡ്​-19 തടയുന്നതി​​െൻറ ഭാഗമായി മൂന്നിനും 17നുമിടെ പ്രായമുള്ള കുട്ടികളിൽ വാക്​സിൻ ഉപയോഗിക്കാൻ അനുമതി നൽകി ചൈന. ചൈനീസ്​ കമ്പനിയായ സിനൊവാക്​ നിർമിച്ച കൊറോണ വാക്​ ഉപയോഗിക്കാനാണ്​ അനുമതി. സിനൊവാക്​ ചെയർമാനാണ്​ ഇക്കാര്യം അറിയിച്ചത്​.

വാക്​സി​െൻറ രണ്ടും മൂന്നും ഘട്ട പരീക്ഷണങ്ങൾ സിനൊവാക്​ പൂർത്തിയാക്കിയിരുന്നു. ഇതിൽ മൂന്നിനും 17നുമിടെ പ്രായമുള്ളവരുമുണ്ടായിരുന്നു. കുട്ടികൾക്കും മുതിർന്നവർക്കും ഒരുപോലെ സുരക്ഷിതമാണ്​ വാക്​സിൻ എന്ന്​ പരീക്ഷണത്തിലൂടെ വ്യക്​തമായെന്ന്​ സിനൊവാക്​ ചെയർമാൻ യിൻ വെയ്​ഡോങ്​ അവകാശപ്പെട്ടു.

അടിയന്തര ഉപയോഗത്തിന്​ അഞ്ച്​ വാക്​സിനുകൾക്കാണ്​ ചൈനയിൽ അനുമതിയുള്ളത്​. രാജ്യത്ത്​ ഇതു​വരെ 76.3 കോടി ഡോസ്​ കോവിഡ്​ വാക്​സിനുകൾ വിതരണം ചെയ്​തതായാണ്​ റിപ്പോർട്ട്​.