ചൈനയിലെ രണ്ട്​ പ്രവിശ്യകളിൽ ആഫ്രിക്കൻ പന്നിപ്പനി സ്ഥിരീകരിച്ചു; ജാഗ്രത നിർദേശം

ബീജിങ്​: ചൈനയിലെ രണ്ട്​ പ്രവിശ്യകളിൽ ആഫ്രിക്കൻ പന്നിപ്പനി സ്ഥിരീകരിച്ചു. പന്നി ഇറച്ചി വ്യാപകമായി ഉൽപാദിപ്പിക്കുന്ന സിച്ചുവാൻ, ഹുബെ പ്രവിശ്യകളിലാണ്​ രോഗബാധ കണ്ടെത്തിയതെന്ന്​​ ചൈനയുടെ കാർഷിക-ഗ്രാമീണ മന്ത്രാലം അറിയിച്ചു.

സിച്ചുവാനിലെ അബെയിലും ഹുബെ പ്രവിശ്യയിലെ സിങ്​യാങ്ങിലുമാണ്​ രോഗബാധ സ്ഥിരീകരിച്ചിരിട്ടുള്ളത്​​. സിച്ചുവാനിൽ രോഗം ബാധിച്ച്​ 38 പന്നികൾ ചത്തു. ഹുബെയിൽ അഞ്ചെണ്ണത്തിനാണ്​ ജീവൻ നഷ്​ടമായത്​. അനധികൃതമായി എത്തിച്ച പന്നികളിൽ നിന്നാണ്​ ഹുബെയിൽ പനി പടർന്നതെന്നാണ്​ വിവരം.

പന്നിപ്പനി സ്ഥിരീകരിച്ച സാഹചര്യത്തിൽ ചൈന ജാഗ്രത നിർദേശം നൽകിയിട്ടുണ്ട്​. കഴിഞ്ഞയാഴ്ച യുനാൻ പ്രവിശ്യയിലും പന്നിപ്പനി സ്ഥിരീകരിച്ചിരുന്നു.