Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightWorldchevron_right12 വയസ്സിന് മുകളിലുള്ള ...

12 വയസ്സിന് മുകളിലുള്ള കുട്ടികൾ മുതിർന്നവരെപ്പോലെ മാസ്ക് ധരിക്കണം-ഡബ്ല്യു.എച്ച്.ഒ

text_fields
bookmark_border
12 വയസ്സിന് മുകളിലുള്ള കുട്ടികൾ മുതിർന്നവരെപ്പോലെ മാസ്ക് ധരിക്കണം-ഡബ്ല്യു.എച്ച്.ഒ
cancel

ജനീവ: 12 വയസിന് മുകളിലുള്ള കുട്ടികൾ, മുതിർന്നവർ ധരിക്കുന്ന അതേ രീതിയിൽ മാസ്‌ക് ധരിക്കണമെന്ന് ലോകാരോഗ്യസംഘടന. ഡബ്ല്യു.എച്ച്.ഒ പുറത്തിറക്കിയ പുതിയ മാര്‍ഗ നിർദേശങ്ങളിലാണ് മുതിർന്ന കുട്ടികൾ രോഗവാഹകരമാവുമെന്നും അതിനാൽ മാസ്ക് ധരിക്കുകയും ഒരു മീറ്റർ അകലം പാലിക്കുകയും വേണമെന്ന്​ മുന്നറിയിപ്പ് നൽകിയത്. മുതിര്‍ന്നവരിൽനിന്ന്​ കോവിഡ്​ 19 പകരുന്ന അതേ രീതിയിൽ കൗമാരക്കാരിൽനിന്നും രോഗം മറ്റുള്ളവരിലേക്ക്​ പകരുമെന്നതിന്​ തെളിവുകളുണ്ടെന്ന്​ ഡബ്ല്യു.എച്ച്.ഒ ചൂണ്ടിക്കാട്ടുന്നു.

ആറിനും 11നും ഇടയിലുള്ള കുട്ടികൾ മാസ്​ക്​ ധരിക്കുന്നതിലുള്ള നിർദേശങ്ങൾ​ പല സാഹചര്യങ്ങളെ ആശ്രയിച്ചാണെന്ന്​ ലോകാരോഗ്യ സംഘടനയും യൂനിസെഫും ഡബ്ല്യൂ.എബ്ബ്​.ഒ വെബ്​സൈറ്റിൽ പുറത്തിറക്കിയ മാർഗരേഖയിൽ വ്യക്​തമാക്കി. പ്രദേശത്തെ രോഗവ്യാപനത്തി​െൻറ തോത്​, കുട്ടിയുടെ ആരോഗ്യസ്​ഥിതി, മുതിർന്നവരുടെ നിയന്ത്രണവും മേൽനോട്ടവും തുടങ്ങിയവയാണ്​ ഈ പ്രായപരിരിധിയിലുള്ള കുട്ടികളിൽ കണക്കിലെടുക്കേണ്ടത്​.

അഞ്ച് വയസിൽ താഴെയുള്ള കുട്ടികള്‍ സാധാരണഗതിയിൽ മാസ്ക് ധരിക്കേണ്ടതില്ലെന്നും മാർഗരേഖയിൽ ഡബ്ല്യു.എച്ച്.ഒ വ്യക്​തമാക്കുന്നു. കുട്ടികളുടെ സുരക്ഷയ്ക്കും താത്പര്യത്തിനുമാകണം പരിഗണന നൽകേണ്ടതെന്നും ലോകാരോഗ്യസംഘടന നിര്‍ദേശിച്ചിട്ടുണ്ട്.


Show Full Article
TAGS:WHO mask covid 19 
Next Story