വാഹനാപകടം: മലയാളി ദമ്പതികൾ അമേരിക്കയിൽ മരിച്ചു

ന്യൂയോർക്ക്: അമേരിക്കയിലെ ഡാളസിലുണ്ടായ വാഹനാപകടത്തിൽ മലയാളി ദമ്പതികൾ മരിച്ചു. പത്തനംതിട്ട എഴുമറ്റൂർ മാൻകിളിമുറ്റം സ്വദേശി പരേതനായ ഏബ്രഹാം വർഗീസിന്റെയും അമ്മിണി വർഗീസിന്റെയും മകൻ വിക്ടർ വർഗീസ് (സുനിൽ- 45), ഭാര്യ ഖുശ്ബു വർഗീസ് എന്നിവരാണ് മരിച്ചത്.

ഡാളസ് സ്പ്രിങ് ക്രീക്ക്- പാർക്കർ റോഡിൽ ഈ മാസം ഏഴിന് ഉണ്ടായ അപകടത്തിൽ ഗുരുതരമായി പരിക്കേറ്റ് ഇവർ ചികിത്സയിലായിരുന്നു. പ്ലേനോ മെഡിക്കൽ സിറ്റി തീവ്രപരിചരണ വിഭാഗത്തിലാണ് ഇവരെ പ്രവേശിപ്പിച്ചിരുന്നത്. ദമ്പതികൾക്ക് രണ്ട് മക്കളുണ്ട്.

കഴിഞ്ഞമാസം ഡാളസിൽ അന്തരിച്ച അമേരിക്കൻ സാഹിത്യകാരൻ ഏബ്രഹാം തെക്കേമുറിയുടെ സഹോദരപുത്രനാണ് വിക്ടർ.