നഗ്​നനായി എത്തിയതി​െൻറ പുലിവാൽ തീർക്കുന്നതിനിടെ വിഡിയോ കോളിൽ ചായക്കപ്പിൽ മൂത്രമൊഴിച്ച്​ കനേഡിയൻ എം.പി

ഒട്ടാവ: ഒൗദ്യോഗിക വിഡിയോ കോളിനിടെ ചായക്കപ്പിൽ മൂത്രമൊഴിച്ച്​ കനേഡിയൻ എം.പി. ആഴ്​ചകൾക്ക്​ മുമ്പ്​ വിഡിയോ കോളിൽ നഗ്​നനായി പ്രത്യക്ഷ​പ്പെട്ടതിന്​ പിന്നാലെയാണ്​ സംഭവം. കനേഡിയൻ എം.പിയായ വില്ല്യം ആമോസാണ്​ വിഡിയോ കോളിൽ നഗ്​നനായി പ്രത്യക്ഷ​പ്പെട്ടതും ചായക്കപ്പിൽ മൂത്രമൊഴിച്ചതും.

രണ്ടു സംഭവങ്ങൾക്ക്​ പിന്നാലെ അവധി എടുക്കുന്നതായി അദ്ദേഹം അറിയിച്ചു. ആകസ്​മികമാണ്​ രണ്ടു സംഭവങ്ങളെന്നും അതിൽ ലജ്ജിക്കുന്നതായും ലിബറൽ പാർട്ടി എം.പി പറഞ്ഞു.

'കഴിഞ്ഞ രാത്രി, ഹൗസ്​ ​ഒാഫ്​ കോമൺസി​െൻറ നടപടികളിൽ പ​െങ്കടുക്കുന്നതിനിടെ ഞാൻ കാമറിയിലാണെന്ന്​ മനസിലാക്കാതെ മൂത്രമൊഴിച്ചു. എ​െൻറ പ്രവൃത്തിയിലൂടെ അതിന്​ സാക്ഷ്യം വഹിച്ച മറ്റുള്ളവർക്കുണ്ടായ ബുദ്ധിമുട്ട്​ എന്നെ ലജ്ജിപ്പിക്കുന്നു. ആകസ്​മികമാണെങ്കിലും ഇത്​ പൂർണമായും അംഗീകരിക്കാനാകില്ല. ഞാൻ നിരുപാധികം ക്ഷമ ചോദിക്കുന്നു. പാർലമെൻററി സെക്രട്ടറി എന്ന നിലയിൽ കമ്മിറ്റി ചുമതലകളിൽനിന്ന്​ താൽകാലികമായി മാറിനിൽക്കുന്നു. എ​െൻറ മണ്ഡലത്തെ പ്രതിനിധീകരിക്കുന്നത്​ തുടരും. നിങ്ങളുടെ ശബ്​ദമാകാൻ കഴിയുന്നതിൽ നന്ദിയുള്ളവനാണ്​. എ​െൻറ ജീവനക്കാരുടെ പിന്തുണക്കും കുടുംബത്തി​െൻറ സ്​നേഹത്തിനും നന്ദി രേഖപ്പെടുത്തുന്നു' -ആമോസ്​ ട്വിറ്ററിൽ കുറിച്ചു.

ആഴ്​ചകൾക്ക്​ മുമ്പാണ്​ ആമോസ്​ ഹൗസ്​ ഒാഫ്​ കോമൺസി​െൻറ ഒാൺലൈൻ മീറ്റിങ്ങിനിടയിൽ മറ്റ്​ എം.പിമാരുടെ മുമ്പിൽ നഗ്​നനായി പ്രത്യക്ഷപ്പെട്ടത്​. ഇതി​െൻറ സ്​ക്രീൻഷോട്ടുകൾ കനേഡിയൻ മാധ്യമങ്ങൾ പുറത്തുവിട്ടിരുന്നു. സംഭവം വിവാദമായതോടെ ക്ഷമചോദിച്ച്​ അദ്ദേഹം രംഗത്തെത്തുകയും ചെയ്​തിരുന്നു. കോവിഡി​െൻറ പശ്ചാത്തലത്തിൽ കനേഡിയൻ പാർലമെൻറ്​ അംഗങ്ങൾ വിഡിയോ കോൺഫറൻസ്​ വഴിയാണ്​ പാർലമെൻറ്​ യോഗങ്ങളിൽ പ​​​​െങ്കടുക്കുന്നത്​.