താലിബാനെ സർക്കാറായി അംഗീകരിക്കില്ല -കനേഡിയൻ പ്രസിഡൻറ്​ ജസ്​റ്റിൻ ട്രൂഡോ

ഒട്ടാവ: താലിബാനെ അഫ്​ഗാനിസ്ഥാ​െൻറ ഔദ്യോഗിക സർക്കാറായി അംഗീകരിക്കില്ലെന്ന്​ കനേഡിയൻ പ്രസിഡൻറ്​ ജസ്​റ്റിൻ ട്രൂഡോ. കാനഡയിലെ പ്രധാന രണ്ട്​ പാർട്ടികളായ ലിബറലുകളും കൺസർവേറ്റീവുകളും സമാന നിലപാടുകാരാണ്​.

താലിബാൻ തീവ്രവാദികൾ എന്ന്​ അധികാരം ഏറ്റെടുത്താലും പിന്തുണക്കില്ലെന്ന്​ 20 വർഷം മുമ്പ്​ വ്യക്തമാക്കിയതാണെന്നും ട്രൂഡോ പറഞ്ഞു. തെരഞ്ഞെടുത്ത ജനാധിപത്യ സർക്കാറിനെ ബലപ്രയോഗത്തിലൂടെ പുറത്താക്കിയെന്നും കനേഡിയൻ നിയമപ്രകാരം താലിബാൻ തീവ്രവാദ സംഘടനയാണെന്നും ട്രൂഡോ പറഞ്ഞു.

അഫ്​ഗാനിസ്ഥാനിൽ നിന്നും ജനങ്ങളെ പുറത്തെത്തിക്കുന്നതിലാണ്​ തങ്ങളുടെ ശ്രദ്ധയെന്നും ജനങ്ങൾക്ക്​ എയർപോർട്ടിലെത്താനുള്ള സൗകര്യം താലിബാൻ ഒരുക്കണമെന്നും ട്രൂഡോ കൂട്ടിച്ചേർത്തു. ചൈനയും റഷ്യയും അടക്കമുള്ള രാജ്യങ്ങൾ താലിബാനെ പിന്തുണച്ച്​ രംഗത്ത്​ വന്നിരുന്നു.