ന്യൂയോർക് സിറ്റിയിലും ഉച്ചഭാഷിണിയിൽ ബാങ്കുവിളിക്കാൻ അനുമതി

ന്യൂ​യോ​ർ​ക്: യു.​എ​സി​ലെ ന്യൂ​യോ​ർ​ക് സി​റ്റി​യി​ലും ഉ​ച്ച​ഭാ​ഷി​ണി​യി​ൽ പ്രാ​ർ​ഥ​ന​ക്ക് ബാ​ങ്കു​വി​ളി​ക്കാ​ൻ അ​നു​മ​തി. പ്ര​ഖ്യാ​പി​ത മാ​ർ​ഗ​നി​ർ​ദേ​ശ​ങ്ങ​ൾ പാ​ലി​ച്ച് ഇ​സ്‍ലാം​മ​ത വി​ശ്വാ​സി​ക​ൾ​ക്ക് ഉ​ച്ച​ഭാ​ഷി​ണി​യി​ലൂ​ടെ ബാ​ങ്കു​വി​ളി​ക്കാ​മെ​ന്ന് ന്യൂ​യോ​ർ​ക് മേ​യ​ർ എ​റി​ക് ആ​ഡം​സ് അ​റി​യി​ച്ചു. പു​തി​യ തീ​രു​മാ​നം എ​ല്ലാ​ത്തി​നെ​യും ഉ​ൾ​ക്കൊ​ള്ളാ​നു​ള്ള മ​നോ​ഭാ​വം വ​ള​ർ​ത്തി​യെ​ടു​ക്കാ​ൻ ഉ​പ​കാ​ര​പ്പെ​ടു​മെ​ന്നും അ​ദ്ദേ​ഹം പ​റ​ഞ്ഞു. പു​തി​യ നി​യ​മ​പ്ര​കാ​രം വെ​ള്ളി​യാ​ഴ്ച​ക​ളി​ലും റ​മ​ദാ​ൻ മാ​സ​ത്തി​ലും ഉ​ച്ച​ഭാ​ഷി​ണി​യി​ലൂ​ടെ ബാ​ങ്കു​വി​ളി​ക്കു​ന്ന​തി​ന് പ്ര​ത്യേ​ക അ​നു​മ​തി തേ​ടേ​ണ്ട കാ​ര്യ​മി​ല്ലെ​ന്നും മേ​യ​ർ വ്യ​ക്ത​മാ​ക്കി. പൊ​ലീ​സ് വകുപ്പിലെ ക​മ്യൂ​ണി​റ്റി അ​ഫ​യേ​ഴ്‌​സ് ബ്യൂ​റോ പു​തി​യ മാ​ർ​ഗ​നി​ർ​ദേ​ശ​ങ്ങ​ൾ പ​ള്ളി​ക​ളു​ടെ അ​ധി​കാ​രി​ക​ളു​മാ​യി ആ​ശ​യ​വി​നി​മ​യം ന​ട​ത്തും. താ​ൻ ന്യൂ​യോ​ർ​ക് സി​റ്റി മേ​യ​റാ​യി​രി​ക്കു​മ്പോ​ൾ ന്യൂ​യോ​ർ​ക്കി​ലെ മു​സ്‍ലിം​ക​ൾ സ്വ​പ്ന​ങ്ങ​ളു​ടെ നി​ഴ​ലി​ൽ ജീ​വി​ക്കി​ല്ല എ​ന്ന് ഉ​റ​പ്പാ​ക്കു​ന്ന​തി​ന്റെ ഭാ​ഗ​മാ​യാ​ണ് പു​തി​യ നി​യ​മ​മെ​ന്ന് മേ​യ​ർ ആ​ഡം​സ് പ​റ​ഞ്ഞു. ന്യൂ​യോ​ർ​ക്കി​ലെ വി​ശ്വാ​സി​സ​മൂ​ഹം തീ​രു​മാ​ന​ത്തെ സ്വാ​ഗ​തം ചെ​യ്തു.

യു.​എ​സ് ന​ഗ​ര​മാ​യ മി​നി​യാ​പൊ​ളി​സി​ൽ മു​സ്‌​ലിം പ​ള്ളി​യി​ൽ​നി​ന്നു​ള്ള ബാ​ങ്കു​വി​ളി​ക്ക് ഭ​ര​ണ​കൂ​ടം അ​ടു​ത്തി​ടെ അ​നു​മ​തി ന​ൽ​കി​യി​രു​ന്നു. മി​നി​സോ​ട സം​സ്ഥാ​ന​ത്തെ പ്ര​ധാ​ന ന​ഗ​ര​ങ്ങ​ളി​ലൊ​ന്നാ​ണ് മി​നി​യ​പൊ​ളി​സ്. ഇ​വി​ടെ ലൗ​ഡ്‌​സ്പീ​ക്ക​ർ വ​ഴി ന​മ​സ്‌​കാ​ര​ത്തി​നു​ള്ള ബാ​ങ്കു​വി​ളി​ക്കാ​ണ് സി​റ്റി കൗ​ൺ​സി​ൽ അം​ഗീ​കാ​രം ന​ൽ​കി​യ​ത്. രാ​വി​ലെ ഏ​ഴു​മു​ത​ൽ രാ​ത്രി പ​ത്തു​വ​രെ​യാ​ണ് ഇ​വി​ടെ ബാ​ങ്കു​വി​ളി​ക്ക് അ​നു​മ​തി ന​ൽ​കി​യ​ത്. ഭ​ര​ണ​കൂ​ടം നി​ർ​ദേ​ശി​ക്കു​ന്ന നി​ശ്ചി​ത ശ​ബ്ദ​നി​യ​ന്ത്ര​ണം പാ​ലി​ച്ചാ​യി​രി​ക്ക​ണം ബാ​ങ്കു​വി​ളി.

മി​ഷി​ഗ​നി​ലെ ഹാം​ട്രാം​ക്ക് ആ​ണ് ആ​ദ്യ​മാ​യി ബാ​ങ്കു​വി​ളി​ക്ക് അ​നു​മ​തി ന​ൽ​കി​യ യു.​എ​സ് ന​ഗ​രം. 2004ലാ​യി​രു​ന്നു ഇ​ത്. ഇ​തി​നു​ശേ​ഷം ഡി​യ​ർ​ബോ​ൺ, മി​ഷി​ഗ​ൻ, പാ​റ്റേ​ഴ്‌​സ​ൺ, ന്യൂ​ജ​ഴ്‌​സി ന​ഗ​ര​ങ്ങ​ളി​ലെ​ല്ലാം ലൗ​ഡ്‌​സ്പീ​ക്ക​ർ വ​ഴി​യു​ള്ള ബാ​ങ്കു​വി​ളി​ക്ക് അ​നു​മ​തി ന​ൽ​കി​യി​രു​ന്നു.