ബ്രിട്ടനിൽ കോവിഡ്​ നിയന്ത്രണങ്ങൾ റദ്ദാക്കി

ലണ്ടൻ: ബ്രിട്ടനിൽ മാസ്​ക്​ ധരിക്കുന്നതും സാമൂഹിക അകലം പാലിക്കുന്നതുമുൾപ്പെടെ കോവിഡ്​ നിയന്ത്രണങ്ങൾ എടുത്തുകളഞ്ഞു. നിയന്ത്രണങ്ങൾ പൂർണമായി നീക്കുന്നത്​ കോവിഡ്​ വ്യാപനത്തിനിടയാക്കുമെന്ന ആരോഗ്യവിദഗ്​ധരുടെ ഉപദേശം തള്ളിയാണ്​ ബ്രിട്ട​െൻറ തീരുമാനം. നിയന്ത്രണങ്ങൾ എടുത്തുകളഞ്ഞതോടെ പല കമ്പനികളു​ം ജീവനക്കാരുടെ വർക്​ ഫ്രം ഹോം അവസാനിപ്പിച്ചു.

രാജ്യത്തെ നിശാ ക്ലബുകളിലും തിയറ്ററുകളിലും നൂറുശതമാനം ആളുകളെ പ്രവേശിപ്പിക്കുമെന്നും അധികൃതർ അറിയിച്ചു. ഇൻഡോർ കായിക സ്​റ്റേഡിയങ്ങളും തുറന്നു. 5000ത്തിനു മുകളിലാണ്​ ബ്രിട്ടനിലെ പ്രതിദിന കോവിഡ്​ നിരക്ക്​. പ്രതിദിന രോഗികളുടെ എണ്ണത്തിൽ ഇന്തോനേഷ്യക്കും ബ്രസീലിനും പിന്നാലെ മൂന്നാംസ്ഥാനത്താണ്​ ബ്രിട്ടൻ. ഈ സാഹചര്യത്തിൽ നിയന്ത്രണങ്ങൾ എടുത്തുകളഞ്ഞതിനെതിരെ പ്രതിപക്ഷം രംഗത്തുവന്നിട്ടുണ്ട്​. നിയന്ത്രണങ്ങൾ ഒഴിവാക്കിയെങ്കിലും വൈറസ്​ ചുറ്റിലുമുള്ളതിനാൽ ആളുകൾ ജാഗ്രത പാലിക്കണമെന്ന്​ ബ്രിട്ടീഷ്​ പ്രധാനമന്ത്രി ബോറിസ്​ ജോൺസൺ പറഞ്ഞു. നിയന്ത്രണങ്ങൾ എടുത്തുകളയാൻ ഏറ്റവും അനുയോജ്യമായ സമയമാണിതെന്നും അദ്ദേഹം വ്യക്തമാക്കി. രാജ്യത്തെ മുതിർന്ന പൗരന്മാരിൽ മൂന്നിൽ രണ്ടുപേരും വാക്​സിൻ സ്വീകരിച്ചവരാണ്​. അവശേഷിക്കുന്നവർ എത്രയും പെ​ട്ടെന്ന്​ വാക്​സിൻ സ്വീകരിക്കണമെന്നും ബോറിസ്​ ജോൺസൺ ആവശ്യപ്പെട്ടു.