ഹനുമാൻ മൃതസജ്ഞീവനി എത്തിച്ചതുപോലെ; ഇന്ത്യക്ക്​ നന്ദി പറഞ്ഞ്​ ബ്രസീൽ

സാവോ പോളോ: ഇന്ത്യയിൽനിന്ന്​ രണ്ട്​ ദശലക്ഷം കോവിഡ്​ പ്രതിരോധ വാക്​സിൻ ബ്രസീലിൽ എത്തിയതിന്​ പിന്നാലെ പ്രധാനമന്ത്രി നരേന്ദ്രമോദിക്ക്​ നന്ദി അറിയിച്ച്​ ബ്രസീൽ പ്രസിഡന്‍റ്​ ജെയിർ ബോൽസനാ​േരാ. പോർച്ചുഗീസ്​ ഭാഷയിലായിരുന്നു ട്വീറ്റ്​.

ഹനുമാൻ മൃതസജ്ജീവനി ​െകാണ്ടുവരുന്ന ചിത്രം പങ്കുവെച്ചായിരുന്നു ട്വീറ്റ്​. നമസ്​കാർ, ധന്യവാദ്​ തുടങ്ങിയ പദങ്ങളും ബോൽസ​നാരോ ട്വീറ്റിൽ ഉപയോഗിച്ചു​. ഇന്ത്യയെപ്പോലൊരു മഹത്തായ രാജ്യത്തിന്‍റെ പിന്തുണ ഈ പ്രതിസന്ധി മറികടക്കാൻ ലഭിച്ചതിൽ അതിയായ സന്തോഷമുണ്ടെന്നും ബോൽസനാരോ കുറിച്ചു.

അതേസമയം ബ്രസീലിനെ സഹായിക്കാൻ കഴിഞ്ഞതിൽ നന്ദിയുണ്ടെന്ന്​ പ്രധാനമന്ത്രി നരേന്ദ്രമോദി ട്വീറ്റ്​ ചെയ്​തു. ഇരു രാജ്യങ്ങളും തമ്മിലെ സഹകരണം ശക്തിപ്പെടുത്തുന്നത്​ തുടരുമെന്നും അദ്ദേഹം പറഞ്ഞു.

വെള്ളിയാഴ്ചയാണ്​ രണ്ടു ദശലക്ഷം കോവിഡ്​ വാക്​സിൻ ഡോസുകൾ ഇന്ത്യ ബ്രസീലിലേക്ക്​ കയറ്റിയയച്ചത്​. വാണിജ്യാടിസ്​ഥാനത്തിൽ കോവിഡ്​ വാക്​സിൻ കയറ്റിയയക്കാൻ അനുമതി ലഭിച്ചതിന്​ പിന്നാലെയാണിത്​.