ആമസോൺ കത്തിതീർന്നിട്ടില്ല; ഡികാപ്രിയോയെ എട്ടുമണിക്കൂർ കാടുകയറ്റത്തിന്​ വെല്ലുവിളിച്ച്​ ബ്രസീൽ വൈസ്​ പ്രസിഡൻറ്​

സാവോ പോളോ: ആമസോൺ മഴക്കാടുകളിലൂടെ എട്ടുമണിക്കൂർ നടത്തതിന്​ നടനും പരിസ്ഥിതി പ്രവർത്തകനുമായ ലിയോനാർഡോ ഡികാപ്രിയോയെ വെല്ലുവിളിച്ച്​ ബ്രസീൽ വൈസ്​ പ്രസിഡൻറ്​ ഹാമിൽട്ടൺ മൗറോ. യഥാർഥിൽ ആമസോൺ കാടുകൾ കത്തുന്നില്ലെന്നും അത്​ ഹോളിവുഡ്​ താരത്തെ നേരിട്ട്​ കാണിക്കാൻ ആഗ്രഹിക്കുന്നുവെന്നും മൗറോ പറഞ്ഞു.

വനനശീകരണത്തിനെതിരെ പ്രസിഡൻറ്​ ജെയർ ബോൾസോനാരോ രൂപീകരിച്ച ടാസ്‌ക് ഫോഴ്‌സി​െൻറ തലവൻ കൂടിയാണ്​ മൗറോ. ആമസോൺ മഴക്കാടുകളിൽ തീപടരുന്നതിനെ കുറിച്ച്​ ഡികാപ്രിയോ ത​െൻറ ഇൻസ്റ്റാഗ്രാം അക്കൗണ്ടിൽ വീണ്ടും വീഡിയോ പോസ്റ്റുചെയ്​തിരുന്നു. ഇതി​െനതിരെയാണ്​ മൗറോയുടെ വെല്ലുവിളി.

"ബ്രസീലി​െൻറ ഏറ്റവും പുതിയ നിരൂപകനായ നടൻ ലിയോനാർഡോ ഡികാപ്രിയോയെ സാവോ ഗബ്രിയേൽ ഡ കാച്ചോയിറയിലേക്ക് (വടക്കൻ ബ്രസീലി​ലെ സ്ഥലം) ക്ഷണിക്കുകയും എട്ട് മണിക്കൂർ കാട്ടിലൂടെ നടക്കാൻ വെല്ലുവിളിക്കുകയും ചെയ്യുകയാണ്. ആമസോണിലെ വിശാലമായ പ്രദേശത്ത് കാര്യങ്ങൾ എങ്ങനെ പ്രവർത്തിക്കുന്നു എന്നതിനെക്കുറിച്ച് അദ്ദേഹത്തിന് മികച്ച ഗ്രാഹ്യം ലഭിക്കാൻ ഇത്​ സഹായിക്കും.'' -ആമസോൺ സുസ്ഥിര വികസനത്തെക്കുറിച്ചുള്ള ഒരു പരിപാടിയിൽ മൗറോ പറഞ്ഞു.

ആമസോണിലെ തീപിടുത്തങ്ങളെ കുറിച്ച്​ വെള്ളിയാഴ്ച 'ദി ഗാർഡിയൻ' പത്രം പ്രസിദ്ധീകരിച്ച വാർത്ത ിനസ്​റ്റഗ്രാമിൽ പോസ്​റ്റ്​ ചെയ്​ത ഡികാപ്രിയോ, ബ്രസീലിലെ ബഹിരാകാശ ഏജൻസിയായ INPE ൽ നിന്നുള്ള ഉപഗ്രഹ ഡാറ്റ ഉദ്ധരിച്ച്, ജൂലൈയിൽ ആമസോണിലുണ്ടായ തീപിടുത്തത്തി​െൻറ​ മറ്റുവർഷങ്ങളെ അപേക്ഷിച്ച്​ 28 ശതമാനം വർദ്ധിച്ച​ുവെന്നും ആഗസ്​റ്റിൽ ഇത്​ വീണ്ടും വർധിക്കുകയാണെന്നും ചൂണ്ടിക്കാട്ടിയിരുന്നു.

തീപിടിത്തം തടയുന്നതിൽ പരാജയപ്പെട്ട ബ്രസീൽ പ്രസിഡന്റ് ജെയർ ബോൾസോനാരോ അന്താരാഷ്ട്ര തലത്തിൽ സമ്മർദ്ദത്തിലായിരിക്കുകയാണ്​. എന്നാൽ ആമസോൺ കത്തുന്നില്ലെന്ന വാദമാണ്​ തീവ്ര വലതുപക്ഷ നേതാക്കൾ ഉയർത്തുന്നത്​.