വാക്​സിൻ സ്വീകരിച്ച 16കാരൻ മരിച്ചു; ബ്രസീലിൽ കൗമാരക്കാർക്കുള്ള കുത്തിവെപ്പ്​ നിർത്തി

സാവോപോളോ: ഫൈസർ വാക്​സിൻ സ്വീകരിച്ച 16കാരൻ മരിച്ചതിനെ തുടർന്ന്​ മറ്റ് ​ആരോഗ്യ പ്രശ്​നങ്ങളില്ലാത്ത കൗമാരക്കാരിൽ കോവിഡ്​ പ്രതിരോധ കുത്തി​െവപ്പ്​ നൽകുന്നത്​ ബ്രസീൽ നിർത്തിവെച്ചു. സാവോപോളോയിൽ നടന്ന മരണത്തെ കുറിച്ച്​ അന്വേഷിച്ച്​ വരികയാണെന്ന്​ ആരോഗ്യ വകുപ്പ്​ അധികൃതർ വാർത്താസമ്മേളനത്തിൽ അറിയിച്ചു.

കുത്തിവെപ്പെടുത്ത്​ എത്ര ദിവസത്തിന്​ ശേഷമാണ്​ മരണമെന്നോ കാരണമെന്താണെന്നോ അധികൃതർ വിശദീകരിച്ചില്ല. വാക്​സിനും 16കാരന്‍റെ മരണവും തമ്മിൽ വല്ല ബന്ധവും ഉണ്ടേ എന്ന്​ അന്വേഷിച്ച്​ വരികയാണെന്ന്​ ആരോഗ്യ വകുപ്പ്​ അറിയിച്ചു.

രാജ്യത്തെ ചില സംസ്​ഥാനങ്ങളിൽ അനുമതി നൽകിയിട്ടില്ലാത്ത വാക്​സിൻ കൗമാരക്കാരിൽ കുത്തിവെച്ചതായി ആരോഗ്യമന്ത്രി മാഴ്​സലോ ​ൈക്വറോഗ പറഞ്ഞു. രാജ്യത്ത്​ ഫൈസർ വാക്​സിൻ മാത്രമാണ്​ കൗമാരക്കാരിൽ കുത്തിവെക്കാൻ അനുമതിയുള്ളത്​.

മരണവും വാക്സിനും തമ്മിൽ ബന്ധമുണ്ടെന്ന്​ തെളിയിക്കപ്പെട്ടിട്ടില്ലെന്നും കേസിനെ പറ്റി സസൂക്ഷ്​മം വീക്ഷിക്കുന്നുണ്ടെന്നും ഫൈസർ പ്രസ്താവനയിൽ അറിയിച്ചു. യു.എസിലും യൂറോപ്പിലും കൗമാരക്കാരിൽ വാക്​സിൻ ഉപയോഗിക്കുന്നതിന് അനുമതി ലഭിച്ചതാണെന്നും പ്രതികൂല ഫലങ്ങളെക്കുറിച്ചുള്ള എല്ലാ റിപ്പോർട്ടുകളും നിരീക്ഷിക്കുന്നുവെന്നും കമ്പനി കൂട്ടിച്ചേർത്തു.

മറ്റ്​ ആരോഗ്യ പ്രശ്​നങ്ങൾ ഇല്ലാത്തവർ ഒഴികെ 12നും 17നും ഇടയിൽ പ്രായമു​ള്ള കുട്ടികൾക്ക്​ വാക്​സിൻ നൽകുന്നത്​ നിർത്തിവെക്കാനാണ്​ സർക്കാർ നിർദേശം.