'എണ്ണമറ്റ മനുഷ്യർ വസിച്ച ഇടങ്ങളായിരുന്നു ഇവിടം, ബൊൾസനാരോയുടെ ഖനി ലോബി അവരെ കുടിയിറക്കുകയാണ്'

സ​വോപോളോ: പുറംലോകവുമായി ബന്ധം വേണ്ടെന്നുവെച്ച്​ ഒറ്റപ്പെട്ടുകഴിഞ്ഞ പതിനായിരക്കണക്കിന്​ ആദിവാസികളുടെ ഇഷ്​ട ഇടമായിരുന്നു ബ്രസീലിലെ ഏറ്റവും വലിയ സംരക്ഷിത വനമേഖലയായ യാനോമാമി. ​പ്രസിഡൻറായി ജയ്​ ബൊൾസനാരോ എത്തുകയും നാട്ടുകാരെ കൂട്ടമായി കുടിയിറക്കി ഖനി ലോബിക്ക്​ കാട്​ തുറന്നുനൽകുകയും ചെയ്​തതോടെ നടപ്പാകുന്നത്​ സമ്പൂർണ വനനശീകരണവും കുടിയൊഴിപ്പിക്കലും. 2019ൽ തീവ്രത കൈവന്ന വനനശീകരണം ഇപ്പോൾ ഇരട്ടി വേഗത്തിലാണ്​. ആ വർഷം മാത്രം 500 ഫുട്​ബാൾ മൈതാനങ്ങളുടെ അത്രയും വരുന്ന 500 ഹെക്​ടർ ഭൂമി നശിപ്പിക്കപ്പെട്ടു​. ഈ വർഷം ആദ്യ മൂന്നു മാസത്തിനകം 200 മീറ്ററും വെട്ടിത്തെളിക്കപ്പെട്ടു. മൊത്തം രണ്ടര കോടി ഏക്കർ വരുന്ന ആമസോൺ വനമേഖലയിൽ മരം മുറിച്ച്​ അടി തുരക്കാൻ​ 10,000 ലേറെ പേർ നിരന്തരം ജോലിക്കുണ്ടാകുേമ്പാൾ അടുത്ത ഇരകൾ ആരെന്നു മാത്രമാണ്​ അവശേഷിക്കുന്ന ചോദ്യം.

യാനോമാമി മേഖലയിൽ മാത്രം 27,000 ഗോത്ര വർഗക്കാർ വസിച്ചിരുന്നു. ആയുധവും ഭീഷണിയുമായി എത്തിയ ഖനി മാഫിയ അവരിലേറെ പേരെയും ഇതിനകം പടിയിറക്കി. ഇടതൂർന്നു വളർന്ന പൈൻ മരങ്ങൾക്കു പകരം ബാറുകളും റസ്​റ്റൊറൻറുകളും കടകളും വീടുകളും വരെ ഉയർന്നുകഴിഞ്ഞു. ഹെലികോപ്​റ്ററുകൾ മുതൽ കൊച്ചുവിമാനങ്ങൾ വരെ പറന്നുനടക്കുന്നു. ഇവക്കെല്ലാം നിയമ പ്രാബല്യം നൽകുമെന്ന്​ ബൊൾസനാരോ പ്രഖ്യാപനവും നടത്തിയിട്ടുണ്ട്​.

1980കളിലും 90കളിലുമായിരുന്നു സ്വർണ ഖനികൾക്ക്​ പ്രശസ്​തമായ ഈ ​പ്രദേശത്ത്​ ആദ്യമായി മാഫിയ പിടിമുറുക്കുന്നത്​. ചെറിയ ഇടവേളയിൽ വളർച്ച നിലച്ചെങ്കിലും ബൊൾസനാരോ പ്രസിഡൻറ്​ പദവിയിൽ എത്തിയതോടെ എല്ലാം ഇരട്ടി വേഗത്തിലായി. വനനശീകരണത്തിന്​ മാത്രമായി തൊഴിലാളികളേറെ. അന്ന്​ അരലക്ഷത്തോളം പേർ ഖനി തൊഴിലാളികളായി എത്തിയ ഈ മേഖലയിൽ പ്രതിഷേധിക്കാനിറങ്ങിയ നാട്ടുകാർ നിർദയം കൊല്ലപ്പെടുകയോ ആട്ടിയോടിക്കപ്പെടുകയോ ചെയ്യപ്പെട്ടു. ഇന്നും കാര്യങ്ങൾ അതേ പടി തുടരുന്നു.

ഖനി മാഫിയ പിടിമുറുക്കിയ പ്രദേശമിപ്പോൾ ഒരു പ്രഷർ കുക്കറിനു സമാനമാണെന്നും ഏതു നിമിഷവും പൊട്ടിത്തെറിക്കാമെന്നും പറയുന്നു നരവംശ ശാസ്​ത്രജ്​ഞനായ അന മരിയ മക്കാഡോ.