ബോറിസ് ജോൺസൺ രാജിവെക്കണമെന്ന് മുൻ മന്ത്രി

ലണ്ടൻ: കോവിഡ് നിയമങ്ങൾ ലംഘിച്ച് ഔദ്യോഗിക വസതിയിൽ വിരുന്ന് നടത്തി വിവാദത്തിലായ ബ്രിട്ടീഷ് പ്രധാനമന്ത്രി ബോറിസ് ജോൺസ​ന്‍റെ രാജിക്കായി സമ്മർദമുയരുന്നു.

പ്രധാനമന്ത്രി വിശ്വാസവോട്ട് തേടണമെന്നാവശ്യപ്പെട്ട് മുൻ മന്ത്രിയും കൺസർവേറ്റിവ് എം.പിയുമായ നിക് ഗിബ് രംഗത്തുവന്നു. ജന്മദിനാഘോഷവുമായി ബന്ധപ്പെട്ട് നടത്തിയ വിരുന്നിൽ ബോറിസ് ജോൺസൺ പ​ങ്കെടുത്ത ചിത്രം പുറത്തുവന്നിരുന്നു. ചിത്രം അന്വേഷണത്തി​ന്‍റെ ഭാഗമായി ബ്രിട്ടീഷ് പൊലീസിന് കൈമാറി. രണ്ടുപേർ കൂടിനിൽക്കരുതെന്ന കോവിഡ് നിയമം ലംഘിച്ചാണ് 10ലേറെ ആളുകളുമായി ബോറിസ് ജോൺസൺ വിരുന്ന് നടത്തിയത്. സർക്കാറിൽ ജനങ്ങൾക്ക് നഷ്ടപ്പെട്ട വിശ്വാസം വീണ്ടെടുക്കാൻ പ്രധാനമന്ത്രിയെ മാറ്റണമെന്നാണ് ആവശ്യം.