സപോറിഷ്യയിലും ഖേഴ്സണിലും തീതുപ്പി റഷ്യ; 16 മരണം

കി​യ​വ്: ക​ഴി​ഞ്ഞ ദി​വ​സം കൂ​ട്ടി​ച്ചേ​ർ​ത്ത യു​​ക്രെ​യ്ൻ പ്ര​വി​ശ്യ​ക​ളാ​യ സ​പോ​റി​ഷ്യ​യി​ലും ഖേ​ഴ്സ​ണി​ലും ക​ന​ത്ത ബോം​ബാ​ക്ര​മ​ണ​വു​മാ​യി റ​ഷ്യ. യൂ​റോ​പ്പി​ലെ ഏ​റ്റ​വും വ​ലി​യ ആ​ണ​വ നി​ല​യ​മു​ള്ള സ​പോ​റി​ഷ്യ​യി​ലെ ആ​ക്ര​മ​ണ​ത്തി​ൽ 11 പേ​രും ഖേ​ഴ്സ​ണി​ൽ അ​ഞ്ചു​പേ​രും കൊ​ല്ല​പ്പെ​ട്ടു. സ​പോ​റി​ഷ്യ​യി​ൽ അ​പ്പാ​ർ​ട്മെ​ന്റ് കെ​ട്ടി​ട​മാ​ണ് എ​സ്-300 മി​സൈ​ലു​ക​ളു​മാ​യി ആ​ക്ര​മി​ക്ക​പ്പെ​ട്ട​ത്. 11 പേ​രു​ടെ മൃ​ത​ദേ​ഹം ക​ണ്ടെ​ടു​ത്തി​ട്ടു​ണ്ട്. കെ​ട്ടി​ടാ​വ​ശി​ഷ്ട​ങ്ങ​ളി​ൽ​നി​ന്ന് 21 പേ​രെ ര​ക്ഷ​പ്പെ​ടു​ത്തി. 15 പേ​രെ ഇ​നി​യും ക​ണ്ടു​കി​ട്ടാ​നു​ണ്ട്. ഇ​വ​ർ​ക്കാ​യി ര​ക്ഷാ​ദൗ​ത്യം തു​ട​രു​ക​യാ​ണെ​ന്ന് പ​ട്ട​ണ​ത്തി​ലെ സൈ​നി​ക മേ​ധാ​വി ഒ​ലി​ക്സാ​ണ്ട​ർ സ്റ്റാ​റു​ഖ് പ​റ​ഞ്ഞു.

ഖേ​ഴ്സ​ണി​ൽ റ​ഷ്യ​ൻ നി​യ​ന്ത്ര​ണ​ത്തി​ലു​ള്ള മേ​ഖ​ല​യി​ൽ സി​വി​ലി​യ​ന്മാ​ർ സ​ഞ്ച​രി​ച്ച ബ​സി​നു നേ​രെ​യാ​യി​രു​ന്നു ആ​ക്ര​മ​ണം. അ​ഞ്ചു​പേ​ർ കൊ​ല്ല​പ്പെ​ട്ട സം​ഭ​വ​ത്തി​ൽ അ​ത്ര​യും പേ​ർ​ക്ക് പ​രി​ക്കേ​റ്റി​ട്ടു​മു​ണ്ട്. അ​തി​നി​ടെ, റ​ഷ്യ​യി​ൽ​നി​ന്ന് യു​ക്രെ​യ്ൻ സേ​ന വീ​ണ്ടെ​ടു​ത്ത ഖാ​ർ​കി​വി​ലെ പ്ര​ദേ​ശ​ങ്ങ​ളി​ൽ​നി​ന്ന് നി​ര​വ​ധി മൃ​ത​ദേ​ഹ​ങ്ങ​ൾ ക​ണ്ടെ​ടു​ത്ത​താ​യി സൈ​ന്യം. റ​ഷ്യ​ൻ സേ​ന വി​ട്ടു​പോ​യ പ്ര​ദേ​ശ​ങ്ങ​ളി​ൽ 19 കു​ട്ടി​ക​ൾ ഉ​ൾ​പ്പെ​ടെ 534 പേ​രു​ടെ മൃ​ത​ദേ​ഹ​മാ​ണ് ഇ​തു​വ​രെ ല​ഭി​ച്ച​ത്. ഇ​സി​യം പ​ട്ട​ണ​ത്തി​ലാ​ണ് ഏ​റ്റ​വും കൂ​ടു​ത​ൽ ക​ണ്ടെ​ത്തി​യ​ത്- 447 പേ​ർ. ഇ​വി​ടെ​നി​ന്ന് പി​ടി​ച്ച 22 പേ​ർ ഇ​പ്പോ​ഴും റ​ഷ്യ​ൻ സേ​ന​യു​ടെ ക​സ്റ്റ​ഡി​യി​ലാ​ണെ​ന്നും അ​ധി​കൃ​ത​ർ പ​റ​ഞ്ഞു.

അതേ സമയം, യു​ക്രെ​യ്ൻ കൂ​ടു​ത​ൽ മേ​ഖ​ല​ക​ൾ തി​രി​ച്ചു​പി​ടി​ക്കു​ന്ന​ത് തു​ട​രു​ക​യാ​ണ്. തെ​ക്ക​ൻ മേ​ഖ​ല​യി​ൽ മാ​ത്രം 500 ച​തു​ര​ശ്ര കി​ലോ​മീ​റ്റ​ർ പ്ര​ദേ​ശ​മാ​ണ് ക​ഴി​ഞ്ഞ​ദി​വ​സം തി​രി​ച്ചു​പി​ടി​ച്ച​തെ​ന്ന് പ്ര​സി​ഡ​ന്റ് സെ​ല​ൻ​സ്കി പ​റ​ഞ്ഞു.

ആശങ്കയുടെ കരിനിഴലായി 'ആണവയുദ്ധം'

യൂ​റോ​പ്പി​ലെ ഏ​റ്റ​വും വ​ലി​യ ആ​ണ​വ​നി​ല​യം റ​ഷ്യ പി​ടി​ച്ച​ട​ക്കി​യ​തി​നു പി​ന്നാ​ലെ മേ​ഖ​ല​യെ ഭീ​തി​യി​ലാ​ഴ്ത്തി ആ​ണ​വ​പോ​ര്. റ​ഷ്യ ആ​ണ​വാ​യു​ധ​ങ്ങ​ൾ പ​രീ​ക്ഷി​ക്കു​ന്ന​ത് ത​ട​യാ​ൻ 'മു​ൻ​ക​രു​ത​ൽ ആ​ക്ര​മ​ണ​ങ്ങ​ൾ' വേ​ണ​മെ​ന്ന് ക​ഴി​ഞ്ഞ​ദി​വ​സം യു​ക്രെ​യ്ൻ പ്ര​സി​ഡ​ന്റ് സെ​ല​ൻ​സ്കി ആ​വ​ശ്യ​പ്പെ​ട്ട​തി​നു പി​ന്നാ​ലെ​യാ​ണ് ആ​ണ​വാ​യു​ധ പ്ര​യോ​ഗ​സാ​ധ്യ​ത ഇ​രു​വ​ശ​ത്തും പ്ര​ക​ട​മാ​യ​ത്. നാ​റ്റോ​യോ​ടാ​യി​രു​ന്നു സെ​ല​ൻ​സ്കി​​യു​ടെ ആ​വ​ശ്യം. റ​ഷ്യ​യി​ൽ ആ​ണ​വാ​യു​ധം വ​ർ​ഷി​ക്കാ​ൻ സെ​ല​ൻ​സ്കി ആ​വ​​ശ്യ​പ്പെ​ടു​ക​യാ​യി​രു​ന്നു​വെ​ന്ന് ഇ​തി​നെ റ​ഷ്യ​ൻ വി​ദേ​ശ​കാ​ര്യ മ​ന്ത്രി സെ​ർ​ജി ലാ​വ്റോ​വ് വി​ശ​ദീ​ക​രി​ച്ചു. എ​ന്നാ​ൽ, ഫെ​ബ്രു​വ​രി 24ന് ​മു​മ്പു​ള്ള സാ​ഹ​ച​ര്യ​മാ​ണ് സെ​ല​ൻ​സ്കി ഉ​ദ്ദേ​ശി​ച്ച​തെ​ന്നും ഉ​പ​രോ​ധ​മാ​ണ് ആ​വ​ശ്യ​പ്പെ​ട്ട​തെ​ന്നും യു​ക്രെ​യ്ൻ വി​ശ​ദീ​ക​രി​ച്ചു.

എ​ന്നാ​ൽ, ആ​ണ​വ​ഭീ​ഷ​ണി ലോ​ക​ത്തെ ആ​ർ​മ​ഗ​ഡ​ൺ (ന​ന്മ തി​ന്മ​ക​ളെ വേ​ർ​തി​രി​ക്കു​ന്ന അ​വ​സാ​ന യു​ദ്ധം) ഓ​ർ​മ​ക​ളി​ലെ​ത്തി​ക്കു​ക​യാ​ണെ​ന്ന് യു.​എ​സ് പ്ര​സി​ഡ​ന്റ് ജോ ​ബൈ​ഡ​ൻ പ​റ​ഞ്ഞു. തോ​ൽ​വി മു​ന്നി​ൽ ക​ണ്ടാ​ൽ ആ​ണ​വാ​യു​ധ​ങ്ങ​ൾ പ്ര​യോ​ഗി​ക്കാ​ൻ റ​ഷ്യ മ​ടി​ക്കി​ല്ലെ​ന്നും 1962ൽ ​ക്യൂ​ബ​യി​ലെ മി​സൈ​ൽ സം​ഘ​ർ​ഷ​ത്തി​നു ശേ​ഷം ഇ​തു​പോ​ലെ ആ​ണ​വാ​യു​ധ ഭീ​ഷ​ണി​ക്കു മു​ന്നി​ൽ യു.​എ​സ് എ​ത്തി​യി​ല്ലെ​ന്നും ബൈ​ഡ​ൻ പ​റ​ഞ്ഞു.