കാണാതായ ഇന്ത്യൻ വംശജനായ സോഫ്റ്റ്‍വെയർ എൻജിനീയറുടെ മൃതദേഹം കണ്ടെത്തി

ന്യൂയോർക്ക്: പത്ത് ദിവസങ്ങൾക്ക് മുമ്പ് കാണാതായ ഇന്ത്യൻ വംശജനായ സോഫ്റ്റ്‍വെയർ എൻജിനീയറുടെ മൃതദേഹം കണ്ടെത്തി. മേലി ലാൻഡിലെ ചർച്ചിൽ തടാകത്തിൽനിന്നാണ് മൃതദേഹം കണ്ടെത്തിയതെന്ന് പൊലീസ് പറഞ്ഞു. അങ്കിത് ബഗായ് എന്ന 30കാരനാണ് മരിച്ചത്.

തടാകത്തിൽ മൃതദേഹം കണ്ടതായി പൊലീസിന് വിവരം ലഭിക്കുകയായിരുന്നു. ഏപ്രിൽ 9 നാണ് അങ്കിതിനെ കാണാതായത്.

അങ്കിതിനെക്കുറിച്ച് വിവരം നൽകുന്നവർക്ക് കുടുംബം 5000 ഡോർ പ്രതിഫലം പ്രഖ്യാപിച്ചിരുന്നു. വിവിധ രോഗങ്ങൾ അങ്കിതിനെ അലട്ടിയിരുന്നെന്നും കുടുംബം മാധ്യമങ്ങളോട് പറഞ്ഞു. വിർജീനിയയിലെ ഫെയർഫാക്സിലാണ് സംസ്കാരം.