Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightWorldchevron_rightകാലാവസ്ഥാ വ്യതിയാനം...

കാലാവസ്ഥാ വ്യതിയാനം കോവിഡിനേക്കാൾ ഭീകരം; മുന്നറിയിപ്പുമായി ബിൽ ഗേറ്റ്​സ്​

text_fields
bookmark_border
കാലാവസ്ഥാ വ്യതിയാനം കോവിഡിനേക്കാൾ ഭീകരം; മുന്നറിയിപ്പുമായി ബിൽ ഗേറ്റ്​സ്​
cancel

കോടികള്‍ ചെലവിട്ട്​ വാക്‌സിന്‍ കണ്ടെത്തിയാൽ കോവിഡ്​ വൈറസിനെ തുരത്താം. എന്നാല്‍ കാലാവസ്ഥാവ്യതിയാനം അതിനെക്കാള്‍ ഭീകരമാണെന്നും ഇതുമൂലം ഓരോ വര്‍ഷവും സംഭവിക്കുന്ന നാശനഷ്ടങ്ങള്‍ മഹാമാരിയെക്കാള്‍ വലുതായിരിക്കുമെന്നും മൈക്രോസോഫ്റ്റ്​ തലവൻ ബിൽ ഗേറ്റ്​സ്​.

കാലാവസ്ഥാ വ്യതിയാനം 2060 ആകുമ്പോഴേക്കും കോവിഡ് മഹാമാരിയെക്കാളും വിനാശകാരിയായി മാറും. 2100 ആകുമ്പോള്‍ അതിലും അഞ്ചിരട്ടി ഭീകരമാകുമെന്നും ബില്‍ ഗേറ്റ്‌സ്​ പ്രവചിക്കുന്നു. ബ്ലൂംബെര്‍ഗിന്​ നൽകിയ അഭിമുഖത്തിലാണ് ബില്‍ ഗേറ്റ്‌സ്​ ഞെട്ടിക്കുന്ന മുന്നറിയിപ്പ്​ നൽകുന്നത്​. മുമ്പ്​ ത​െൻറ ബ്ലോഗിലും ബിൽ ഗേറ്റ്​സ്​ ഇതേ പരാമർശം നടത്തിയിരുന്നു.

നിങ്ങള്‍ക്ക് കാലാവസ്ഥാവ്യതിയാനം മൂലമുണ്ടാകുന്ന നാശം മനസിലാക്കണമെങ്കില്‍ കോവിഡ് 19 മൂലമുള്ള അവസ്ഥ പരിശോധിച്ചാൽ മതി. കാലാവസ്ഥാവ്യതിയാനം കാരണമുള്ള ബുദ്ധിമുട്ട് ദീര്‍ഘകാലം നീളുന്നതായിരിക്കും. കാര്‍ബണ്‍ ഡയോക്​സൈഡ്​ പുറത്തേക്ക് തള്ളുന്നത്​ കുറക്കാന്‍ കഴിഞ്ഞില്ലെങ്കില്‍ മഹാമാരി മൂലം ജീവന്‍ നഷ്ടപ്പെടുന്നതിനും സാമ്പത്തിക നഷ്ടമുണ്ടാകുന്നതിനും സമാനമായ അവസ്ഥ സ്ഥിരമായി നാം അനുഭവിക്കേണ്ടിവരും- അദ്ദേഹം പറഞ്ഞു.

"അടുത്ത 40 വര്‍ഷം കൊണ്ട് ആഗോളതാപന നിലയിലെ വര്‍ദ്ധന മൂലം ഒരു ലക്ഷം ജനങ്ങള്‍ക്ക് 14 മരണങ്ങള്‍ എന്ന രീതിയില്‍ ഉയരുമെന്ന് പ്രവചിക്കപ്പെടുന്നു. കാര്‍ബണ്‍ എമിഷന്‍ ഇതേ രീതിയില്‍ ഉയര്‍ന്നുനിന്നാല്‍ ഈ നൂറ്റാണ്ടി​െൻറ അവസാനത്തോടെ ഒരു ലക്ഷം പേര്‍ക്ക് 73 എന്ന രീതിയില്‍ അധികമരണങ്ങളും ഉണ്ടാകും," ബില്‍ ഗേറ്റ്‌സ് പറയുന്നു.

Show Full Article
TAGS:Bill Gates Climate Change Pandemic 
Next Story