കവിതയിലൂടെ ലോകത്തെ കൈയിലെടുത്ത 22കാരി; അമാൻഡ ഗോർമാനെ അറിയാം

വാഷിങ്​ടൺ: കടുംമഞ്ഞ നിറത്തിലുള്ള ​വസ്​ത്രമണിഞ്ഞ് നിറഞ്ഞ സദസ്സിൽ​ ലോകം മുഴുവൻ കേൾക്കെ 22കാരി തന്‍റെ വാക്കുകൾ ഉറ​ക്കെ വിളിച്ചുപറഞ്ഞപ്പോൾ പിറന്നത്​ പുതുചരിത്രമായിരുന്നു. വൈറ്റ്​ ഹൗസ്​ നൽകിയ അഞ്ചുനിമിഷം കൊണ്ട്​ അമാൻഡ ഗോർമാൻ അക്ഷരാർഥത്തിൽ ലോകത്തെ മുഴുവൻ കൈയി​െലടുക്കുകയായിരുന്നു. ജനാധിപത്യത്തെക്കുറിച്ചും സ്വാതന്ത്ര്യത്തെക്കുറിച്ചും 22 കാരിയായ അമാൻഡ ഗോർമാൻ തന്‍റെ കവിത ആലപിച്ചപ്പോൾ ലോകം മുഴുവൻ കാതോർത്തു.

'ദുഃഖിക്കു​േമ്പാഴും ഞങ്ങൾ വളർന്നുകൊണ്ടിരുന്നു, വേദനയിലും പ്രതീക്ഷകൾ പങ്കുവെച്ചു, തളർന്നപ്പോൾ പരിശ്രമിച്ചുകൊണ്ടേയിരുന്നു, ഞങ്ങൾ എ​ന്നെന്നേക്കുമായി കൈ​േകാർത്തതോടെ വിജയ​ത്തിലെത്തി' -സാഹിത്യ രചനകൊണ്ട്​ തന്‍റെ നിലപാട്​ വ്യക്തമാക്കിയ അമാൻഡ ലോകത്തെ മുഴുവൻ പ്രതീക്ഷയുടെ പടവുകൾ കയറ്റി.

യു.എസ്​ പ്രസിഡന്‍റായി തെരഞ്ഞെടുക്കപ്പെട്ട ജോ ബൈഡന്‍റെ സ്​ഥാനാരോഹണ ചടങ്ങിലായിരുന്നു അമാൻഡക്ക്​ കവിത ചൊല്ലാൻ അവസരം ലഭിച്ചത്​. 'നാം കയറുന്ന കുന്ന്' (The Hill We Climb) എന്ന കവിത ചൊല്ലിയതോടെ സദസിലെ ഒരേയൊരു ശ്രദ്ധകേന്ദ്രം അമാൻഡ മാത്രമായിരുന്നു. അർഥവത്തായ രചനയിലൂടെയും മനോഹരമായ അവതരണത്തിലൂടെയും ജസീന്ത ജനങ്ങളെയും നേതാക്കളെയും ആവേശത്തിലായ്​ത്തി. അതിജീവനവും അധ്വാനമഹത്വവും കവിതകളിൽ പ്രതിഫലിച്ചതിനൊപ്പം പ്രസിഡന്‍റ്​ സ്​ഥാനം ഒഴിയുന്നതിനുമുമ്പ്​ ഡോണൾഡ്​ ട്രംപിന്‍റെ അനുകൂലികൾ കാപ്പിറ്റൽ മന്ദിരം ആക്രമിച്ചതും കവിതയിൽ പരാമർശിച്ചു. വാക്കുകളുടെ ദൃഡതയും ഉച്ഛാരണത്തിലെ വ്യക്തതയുമായിരുന്നു അമാൻഡയെ മറ്റുള്ളവരിൽനിന്ന്​ വേർതിരിച്ചു നിർത്തിയത്​.

അമേരിക്കൻ കവയിത്രി മായ ആ​ഞ്ച​േലാ അമാൻഡയെ കണ്ട്​ സന്തോഷിക്കുകയായിരിക്കും എന്നാണ്​ പ്രശസ്​ത അവതാരികയും നടിയുമായ ഓപ്ര വിൻഫ്രി ട്വിറ്ററിൽ കുറിച്ചത്​. നാൻസി പെലോസിയും ഹിലരി ക്ലിന്‍റണുമെല്ലാം അമാൻഡക്ക്​ അഭിനന്ദനവുമായെത്തി. 2036ൽ പ്രസിഡന്‍റ്​ തെരഞ്ഞെടുപ്പിലെ പ്രധാന സാന്നിധ്യമാകാൻ അമാൻഡക്കാക​ട്ടെയെന്നായിരുന്നു ഹിലരി ക്ലിന്‍റന്‍റെ ആശംസ.

യു.എസിലെ യുവകവികളിൽ ഏറ്റവും ശ്രദ്ധേയയാണ്​ അമാൻഡ. നിരവധി പുരസ്​കാരങ്ങളും അഭിനന്ദങ്ങളും ചെറുപ്രായത്തിൽ അമാൻഡയെ തേടിയെത്തിയിരുന്നു.