'ആദ്യം കോവിഡ്​ പ്രതിരോധം'; ട്രംപി​െൻറ നടപടികൾ പൊളിച്ചെഴ​ുതുമെന്ന്​ സൂചിപ്പിച്ച്​ ബൈഡൻ

വാഷിങ്​ടൺ: യു.എസ്​ പ്രസിഡൻറ്​ ഡോണൾഡ്​ ട്രംപ്​ ഏറ്റവുമധികം വിമർശനം ഏറ്റുവാങ്ങിയ കോവിഡ്​ പ്രതിരോധ നടപടികൾ തിരുത്തി ഭരണ രംഗത്തേക്കിറങ്ങാൻ ഡെമോക്രാറ്റിക്​ സ്​ഥാനാർഥി ജോ ബെഡൻ. കോവിഡ്​ പ്രതിരോധ പ്രവർത്തനങ്ങളിൽ ഇനി സമയം പാഴ​ാക്കാനി​െല്ലന്നും ബൈഡൻ കൂട്ടിച്ചേർത്തു.

'കോവിഡ്​ പ്രതിരോധ പ്രവർത്തനങ്ങളിൽ ഞങ്ങൾ എന്തു നടപടി സ്വീകരിക്കു​ന്നുവെന്ന്​ എല്ലാവരെയും അറിയിക്കാൻ ആഗ്രഹിക്കുന്നു. ആദ്യദിവസം തന്നെ മാതൃക എല്ലാവരെയും അറിയിക്കും' -ബൈഡൻ പറഞ്ഞു. വിൽമിങ്​ടണിൽ മാധ്യമപ്രവർത്തകരോട്​ സംസാരിക്കുകയായിരുന്നു ​അദ്ദേഹം.

ഭിന്നിച്ച്​ നിൽക്കുന്ന ജനതയെ ഒന്നിപ്പിക്കുമെന്നും അദ്ദേഹം പ്രതിജ്ഞ എടുത്തു. മത്സരത്തിൽ വിജയിക്കുമെന്ന ആത്മവിശ്വാസം പ്രകടിപ്പിച്ച ബൈഡൻ പ്രവർത്തകരോട്​ വിജയപ്രഖ്യാപനത്തിനായി കാത്തിരിക്കാനും നിർദേശം നൽകി.

ലോകമെമ്പാടും പടർന്നുപിടിച്ച കോവിഡ്​ മഹാമാരിയെ പിടിച്ചുകെട്ടുന്നതിൽ ട്രംപ്​ ഭരണകൂടം കാട്ടിയ അലംഭാവം തെരഞ്ഞെടുപ്പ്​ പ്രചരണങ്ങളിൽ വൻ ചർച്ചയായിരുന്നു. ലോകത്തിൽ ഏറ്റവും കൂടുതൽ രോഗബാധിതരുള്ള രാജ്യം അമേരിക്കയാണ്​. കോവിഡി​െൻറ രണ്ടാംവരവ്​ അമേരിക്കയിൽ പ്രത്യക്ഷമാകുകയും ചെയ്​തു. പ്രതിദിനം ഒരുലക്ഷത്തോളം പേർക്കാണ്​ നിലവിൽ കോവിഡ്​ സ്​ഥിരീകരിക്കുന്നത്​. ഇവിടെ കോവിഡ്​ ബാധിതരുടെ എണ്ണം ഒരു കോടി കടക്കുകയും ചെയ്​തു. രണ്ടര ലക്ഷത്തോളം മരണവും റിപ്പോർട്ട്​ ചെയ്​തു.

തെരഞ്ഞെടുപ്പ്​ പ്രവർത്തനങ്ങൾക്കിടെ പ്രസിഡൻറ്​ ഡോണൾഡ്​ ട്രംപിനും കോവിഡ്​ സ്​ഥിരീകരിച്ചിരുന്നു. ട്രംപ്​ നടത്തിയ 18 റാലികൾ 30,000 കോവിഡ്​ കേസുകൾക്കും 700 മരണങ്ങൾക്കും കാരണമായതായി ഒരു പഠനത്തിൽ വ്യക്തമാക്കിയിരുന്നു. ജൂൺ 20നും സെപ്​റ്റംബർ 23നും ഇടയിൽ നടത്തിയ റാലികളാണ്​ രോഗവ്യാപനത്തിന്​ കാരണമായ​െത​ന്ന്​ സ്​റ്റാൻഫോർഡ്​ സർവകലാശാല നടത്തിയ പഠനത്തിൽ പറയുന്നു.