​്ഇസ്രായേലി​ന്​ 5,363 കോടിയുടെ ആയുധ വിൽപന തടയാൻ യു.എസ്​ സഭയിൽ പ്രമേയവുമായി സാൻഡേഴ്​സ്​

വാഷിങ്​ടൺ: ഗസ്സക്കു മേൽ നീണ്ട 11 നാൾ മാരക ആയുധങ്ങൾ വർഷിച്ച്​ കനത്ത നാശം വിതക്കുന്നതിനിടെ ഇസ്രായേലിന്​ ഇനിയും ആക്രമണത്തിന്​ പുതിയ ആയുധങ്ങൾ നൽകാൻ കരാറൊപ്പിട്ട ജോ ബൈഡൻ ഭരണകൂടത്തിനെതിരെ യു.എസ്​ പ്രതിനിധി സഭയിൽ ​പ്രമേയം അവതരിപ്പിച്ച്​ സെനറ്റർ ബെർണി സാൻഡേഴ്​സ്​. കരാർ അടിയന്തരമായി റദ്ദാക്കണമെന്നാവശ്യപ്പെടുന്ന കരാർ പ്രതിനിധി സഭയിലാണ്​ അവതരിപ്പിച്ചത്​. ഇസ്രായേലിന്​ പിന്തുണ നൽകിയുള്ള കരാർ കഴിഞ്ഞ ദിവസം റിപ്പബ്ലിക്കൻ സെനറ്റർ റിക്ക്​ സ്​കോട്ട്​ അവതരിപ്പിച്ചതിന്​ മറുപടിയായാണ്​ സാൻഡേഴ്​സി​െൻറ പ്രമേയം. ആയുധ കരാറിന്​ സഭ അംഗീകാരം നൽകുമെന്നുറപ്പുള്ളതിനാൽ പിൻവലിക്കപ്പെടാൻ സാധ്യത വിരളമാണ്​.

ഗസ്സക്കു മേലുള്ള പുതിയ ആക്രമണത്തോടെ യു.എസ്​ ഭരണകക്ഷിയായ ഡെമോക്രാറ്റുകൾക്കിടയിൽ കടുത്ത ഭിന്നത രൂപപ്പെട്ടിരുന്നു. പാർട്ടിയിലെ പുരോഗമന വിഭാഗവും സെൻട്രിസ്​റ്റുകളും തമ്മിലാണ്​ ഭിന്നത. നേരത്തെ അനുമതി നൽകിയ കരാറിന്​ സഭാ തല പുനഃപരിശോധനക്കായി മേയ്​ അഞ്ചിനാണ്​ യു.എസ്​ കോൺഗ്രസിന്​ കൈമാറിയത്​. ഇസ്രായേലിന്​ ആയുധ കൈമാറ്റം ഇരു പാർട്ടികളിലെയും ഭൂരിപക്ഷവും അംഗീകരിക്കുമെന്നതിനാൽ ഇത്തവണയും തടസ്സമില്ലാതെ പാസാകുമെന്നുറപ്പാണ്​.

പ്രതിനിധി സഭയിലെ അലക്​സാണ്ട്ര ഒക്കേഷിയോ കോർട്ടസ്​, മാർക്​ പൊകാൻ, റാശിദ തുലൈബ്​ എന്നിവരുടെ പിന്തുണയോടെയാണ്​ സാൻഡേഴ്​സ്​ പ്രമേയം അവതരിപ്പിച്ചത്​.