70ാം പിറന്നാൾ ദിനത്തിൽ പുടിന് ട്രാക്ടർ സമ്മാനിച്ച് ബലറൂസ് പ്രസിഡന്‍റ്

മോസ്കോ: റഷ്യൻ പ്രസിഡന്‍റ് വ്ലാദിമിർ പുടിന്‍റെ എഴുപതാം പിറന്നാൾ ദിനത്തിൽ ട്രാക്ടർ സമ്മാനിച്ച് ബലറൂസ് പ്രസിഡന്‍റ് അലക്സാൻഡർ ലുകാഷെങ്കൊ. സോവിയറ്റ് കാലം മുതൽ ബല-റഷ്യൻ വ്യവസായത്തിന്റെ അഭിമാനമാണ് ട്രാക്ടറുകൾ.

എന്നാൽ നേതാക്കൾ തമ്മിലുള്ള ചർച്ചക്കിടയിൽ സമ്മാനത്തെക്കുറിച്ചൊന്നും പുടിൻ പറഞ്ഞിട്ടില്ല. മുൻ സോവിയറ്റ് നേതാക്കൾ തമ്മിൽ രാജ്യങ്ങൾ തമ്മിലുള്ള സംഘർഷം പരിഹരിക്കുന്നതിന് വഴികൾ തേടണമെന്ന് പുടിൻ ആവശ്യപ്പെട്ടു. തീവ്രവാദം, നിയമവിരുദ്ധ മയക്കുമരുന്ന്, മറ്റ് കുറ്റകൃത്യങ്ങൾ എന്നിവയ്‌ക്കെതിരെയുള്ള വിവരങ്ങൾ കൈമാറേണ്ടതിന്റെ പ്രധാന്യത്തെക്കുറിച്ചും അദ്ദേഹം വ്യക്തമാക്കി.

ചർച്ചയിൽ സെന്റ് പീറ്റേഴ്‌സ്ബർഗിലെ കോൺസ്റ്റാന്റിൻ കൊട്ടാരത്തിൽ നിരവധി മുൻ സോവിയറ്റ് നേതാക്കൾ പങ്കെടുത്തു.