ബൈറൂത്ത്​ സ്​ഫോടനം: 60ലധികം പേരെ ക​െണ്ടത്താനായില്ല

ബൈറൂത്ത്​: ലബനീസ്​ തലസ്ഥാനമായ ബൈറൂത്തിൽ ദിവസങ്ങൾ മുമ്പുണ്ടായ സ്​ഫോടനത്തിൽ മരണം 154 ആയി. 25 പേരെ തിരിച്ചറിയാനായിട്ടില്ല. 6000ൽ അധികം പേർക്ക്​ പരിക്കേറ്റ സംഭവത്തിൽ 60ലധികം പേരെ ഇനിയും കണ്ടെത്താനായിട്ടില്ല. സ്​ഫോടനത്തിൽ പരിക്കേറ്റ ഡച്ച്​ സ്ഥാനപതി ജാൻ വാൾട്ട്​മാൻസി​െൻറ ഭാര്യ ഹെഡ്​വിജ്​ (55) മരിച്ചു.

അതേസമയം, സ്​ഫോടനത്തിന്​ അശ്രദ്ധയും കൃത്യവിലോപവും കാരണമായിട്ടുണ്ടാകാമെങ്കിലും പുറത്തുനിന്നുള്ള ഇടപെടൽ നടന്നിട്ടുണ്ടോയെന്ന്​ പരിശോധിക്കുമെന്ന്​ ലബനീസ്​ പ്രസിഡൻറ്​ മൈക്കൽ ഔൻ പറഞ്ഞു. ലബനാന്​ സഹായമെത്തിക്കുന്നതിന്​ ഞായറാഴ്​ച 'ദാതാക്കളുടെ സമ്മേളനം' നടക്കും. ഓൺലൈൻ വഴി നടക്കുന്ന സമ്മേളനത്തിന്​ നേതൃത്വം വഹിക്കുന്നത്​ ഫ്രഞ്ച്​ പ്രസിഡൻറ്​ ഇമ്മാനുവൽ മാക്രോണാണ്​. അമേരിക്കൻ പ്രസിഡൻറ്​ ഡോണൾഡ്​ ട്രംപ്​ അടക്കം പ​​ങ്കെടുക്കും.