'കോവിഡ്​ വാക്​സിനെടുത്ത്​​ മഹാനായ എഴുത്തുകാരൻ ഷേക്​സ്​പിയർ വിടവാങ്ങി'- അർജൻറീന ടി.വിക്ക്​ ആളുമാറി

ബ്യൂണസ്​ ഐറിസ്​: 16, 17 നൂറ്റാണ്ടുകളിൽ ജീവിച്ച്​ ക്ലാസിക്​ കൃതികളുമായി ഇംഗ്ലീഷ്​ ഭാഷയെ ലോകത്തോളമുയർത്തിയ മഹാനായ എഴുത്തുകാരൻ വില്യം ഷേക്​സ്​പിയർ സത്യത്തിൽ കോവിഡ്​ വാക്​സിനെടുത്ത ശേഷമായിരുന്നോ വിടവാങ്ങിയത്​? കഴിഞ്ഞ ദിവസം അർജൻറീന ടി.വിയിൽ വന്ന വാർത്തയാണ്​ ഇംഗ്ലീഷ്​ ഭാഷ സംഭാവന നൽകിയ അദ്വിതീയനായ എഴുത്തുകാര​െൻറ വിടവാങ്ങൽ പ്രഖ്യാപിച്ചത്​. കഴിഞ്ഞ വ്യാഴാഴ്​ചയായിരുന്നു രാജ്യം ഞെട്ടിയ വാർത്ത ബ്രേക്​ ചെയ്​തത്​. കോവിഡ്​ വാക്​സിൻ സ്വീകരിച്ച്​ അഞ്ചു മാസത്തിനു ശേഷമായിരുന്നു മരണം എന്നുകൂടി അവതാരകൻ പറഞ്ഞു.

കനാൽ 26 എന്ന ടെലിവിഷൻ ചാനലിനാണ്​ അബദ്ധം പിണഞ്ഞത്​. വാർവിക്​ഷയർ സ്വദേശിയായ 81 കാരൻ വില്യം ബിൽ ഷേക്​സ്​പിയർ ഫൈസർ വാക്​സിൻ സ്വീകരിച്ച്​ ചരിത്രത്തി​ലെ ഇതു സ്വീകരിക്കുന്ന ആദ്യ പുരുഷനായിരുന്നു. കഴിഞ്ഞ ദിവസം അദ്ദേഹം മരിച്ച വാർത്ത നൽകു​േമ്പാഴാണ്​ 1616ൽ വിടവാങ്ങിയ ഇതിഹാസ പുരുഷനുമായി മാറിയത്​. ''ഇത്രയും മഹാനായ മനുഷ്യ​െൻറ വിടവാങ്ങൽ നമ്മെ ഏവരെയും ഞെട്ടിക്കുന്നും കൂടുതൽ വിശദാംശങ്ങൾ പിന്നീട്​ അറിയിക്കുമെന്നു'​ കൂടി അവർ പറഞ്ഞുകളഞ്ഞു.

''നമുക്കെല്ലാം അറിയുന്ന പോലെ അദ്ദേഹം ഇംഗ്ലീഷ്​ ഭാഷയിലെ ഏറ്റവും മഹാനായ എഴുത്തുകാരിൽ ഒരാളായിരുന്നു- എനിക്ക്​ എ​െൻറ മാസ്​റ്ററും. ആദ്യമായി കൊറോണ വാക്​സിൻ സ്വീകരിച്ച ആളായിരുന്നു. 81ാം വയസ്സിൽ ഇംഗ്ലണ്ടിൽ അദ്ദേഹം വിടവാങ്ങി''- ഇതായിരുന്നു വാക്കുകൾ. വാർത്ത അങ്ങാടിപ്പാട്ടായതോടെ നിരവധി പേരാണ്​ പരിഹാസവുമായി എത്തിയത്​.