വിദേശ ജോ​ലി​ക്ക് പോ​കാ​നു​ള്ള കു​റ​ഞ്ഞ പ്രാ​യം 21 ആ​യി കുറച്ച് ശ്രീലങ്ക

കൊ​ളം​ബോ: ക​ടു​ത്ത സാ​മ്പ​ത്തി​ക പ്ര​തി​സ​ന്ധി​യി​ൽ ന​ട്ടം​തി​രി​യു​ന്ന ശ്രീ​ല​ങ്ക സ്ത്രീ​ക​ൾ​ക്ക് വി​ദേ​ശ ജോ​ലി​ക്ക് പോ​കാ​നു​ള്ള കു​റ​ഞ്ഞ പ്രാ​യം 21 ആ​യി കു​റ​ച്ചു. പാ​പ്പ​രാ​യ സ​മ്പ​ദ്‌​വ്യ​വ​സ്ഥ​ക്ക് ഉ​ണ​ർ​വേ​കാ​ൻ വി​ദേ​ശ​നാ​ണ്യം സ​മ്പാ​ദി​ക്കു​ന്ന​ത് പ്രോ​ത്സാ​ഹി​പ്പി​ക്കാ​നാ​ണ് ന​ട​പ​ടി. 2013 മു​ത​ൽ സൗ​ദി അ​റേ​ബ്യ​യി​​ലേ​ക്ക് 25 ഉം, ​മ​റ്റ് രാ​ജ്യ​ങ്ങ​ളി​ലേ​ക്ക് 23 വ​യ​സ്സു​മാ​യി​രു​ന്നു പ്രാ​യ​പ​രി​ധി. ഇ​താ​ണ് സ​ർ​ക്കാ​ർ ചൊ​വ്വാ​ഴ്ച ഇ​ള​വ് വ​രു​ത്തി​യ​ത്.

തീ​രു​മാ​ന​ത്തി​ന് മ​ന്ത്രി​സ​ഭ അം​ഗീ​കാ​രം ന​ൽ​കി​യ​താ​യി വ​ക്താ​വ് ബ​ന്ദു​ല ഗു​ണ​വ​ർ​ധ​ന മാ​ധ്യ​മ​പ്ര​വ​ർ​ത്ത​ക​രോ​ട് പ​റ​ഞ്ഞു. വി​ദേ​ശ​ത്ത് ജോ​ലി ഏ​റെ​നാ​ളാ​യി രാ​ജ്യ​ത്തി​ന്റെ വി​ദേ​ശ​നാ​ണ്യ​ത്തി​ന്റെ പ്ര​ധാ​ന ഉ​റ​വി​ട​മാ​ണ്. പ്ര​തി​വ​ർ​ഷം 700 കോ​ടി ഡോ​ള​റാ​ണ് ഈ ​വ​ഴി ല​ഭി​ച്ചി​രു​ന്ന​ത്. എ​ന്നാ​ൽ കോ​വി​ഡ് കാ​ര​ണം 2021ൽ 540 ​കോ​ടി ഡോ​ള​റാ​യി കു​റ​ഞ്ഞു. ഈ ​വ​ർ​ഷം 350 കോ​ടി ഡോ​ള​റി​ൽ താ​ഴെ​യാ​കു​മെ​ന്നാ​ണ് ക​രു​തു​ന്ന​ത്. 2.2 കോ​ടി ജ​ന​ങ്ങ​ളു​ള്ള ശ്രീ​ല​ങ്ക​യി​ൽ 16 ല​ക്ഷ​ത്തി​ല​ധി​കം ആ​ളു​ക​ൾ വി​ദേ​ശ ജോ​ലി​ക്കാ​രാ​ണ്.

ഇ​ന്ധ​ന പ്ര​തി​സ​ന്ധി കാ​ര​ണം ശ്രീ​ല​ങ്ക​യു​ടെ പാ​ർ​ല​മെ​ന്റ് സ​മ്മേ​ള​ന​ങ്ങ​ൾ നാ​ല് ദി​വ​സ​ത്തി​ൽ​നി​ന്ന് ഈ ​ആ​ഴ്ച ര​ണ്ട് ദി​വ​സ​മാ​യും കു​റ​ച്ചു. പ്ര​സി​ഡ​ന്റി​ന്റെ വി​പു​ല​മാ​യ അ​ധി​കാ​ര​ങ്ങ​ൾ വെ​ട്ടി​ക്കു​റ​ക്കു​ന്ന ഭ​ര​ണ​ഘ​ട​നാ പ​രി​ഷ്‌​കാ​ര​ങ്ങ​ളും ശ്രീ​ല​ങ്ക​ൻ മ​ന്ത്രി​സ​ഭ പാ​സാ​ക്കി. ശ്രീ​ല​ങ്ക​ക്ക് 57.5 ല​ക്ഷം ഡോ​ള​റി​ന്റെ അ​ധി​ക ധ​ന​സ​ഹാ​യം യു.​എ​സ് പ്ര​ഖ്യാ​പി​ച്ചു.

ക​ഴി​ഞ്ഞ​യാ​ഴ്‌​ച 60 ല​ക്ഷം ഡോ​ള​റി​ന്റെ ഗ്രാ​ന്റും 12 കോ​ടി ഡോ​ള​റി​ന്റെ വാ​യ്പ​യും പ്ര​ഖ്യാ​പി​ച്ചി​രു​ന്നു. അ​ടി​യ​ന്ത​ര ഭ​ക്ഷ്യ, ആ​രോ​ഗ്യ ആ​വ​ശ്യ​ങ്ങ​ൾ പ​രി​ഹ​രി​ക്കാ​ൻ ആ​സ്ട്രേ​ലി​യ അ​ഞ്ചു കോ​ടി ഡോ​ള​റി​ന്റെ സ​ഹാ​യ​വും പ്ര​ഖ്യാ​പി​ച്ചി​ട്ടു​ണ്ട്.