ശൈഖ് ഹസീനയുടെ അവാമി ലീഗിനെ നിരോധിച്ച് ബംഗ്ലാദേശിലെ ഇടക്കാല സർക്കാർ

ധാക്ക: ശൈഖ് ഹസീനയുടെ അവാമി ലീഗിനെ നിരോധിച്ച് മുഹമ്മദ് യൂനുസിന്റെ നേതൃത്വത്തിലുള്ള ബംഗ്ലാദേശിലെ ഇടക്കാല സർക്കാർ. തീവ്രവാദ വിരുദ്ധ നിയമപ്രകാരമാണ് ബംഗ്ലാദേശ് സർക്കാറിന്റെ നടപടി. ഇതുസംബന്ധിച്ച ഔദ്യോഗിക ഉത്തരവ് അടുത്ത ദിവസം പുറത്തിറങ്ങുമെന്നും ബംഗ്ലാദേശ് സർക്കാർ അറിയിച്ചു.

അ​വാ​മി ലീ​ഗി​നെ നി​രോ​ധി​ക്ക​ണ​മെ​ന്നാ​വ​ശ്യ​പ്പെ​ട്ട്, ഈ​യി​ടെ രൂ​പ​വ​ത്ക​രി​ച്ച നാ​ഷ​ന​ൽ സി​റ്റി​സ​ൺ പാ​ർ​ട്ടി (എ​ൻ.​സി.​പി)​യു​ടെ നേ​തൃ​ത്വ​ത്തി​ൽ യൂ​നി​സി​ന്റെ ഔ​ദ്യോ​ഗി​ക വ​സ​തി​യാ​യ ജ​മു​ന​യി​ലേ​ക്ക് ന​ട​ത്തി​യ​തി​ന് പി​ന്നാ​ലെ​യാ​ണ് സ​ർ​ക്കാ​ർ പ്ര​ഖ്യാ​പ​നം. ശൈ​ഖ് ഹ​സീ​ന സ​ർ​ക്കാ​റി​നെ​തി​രെ ജ​ന​കീ​യ പ്ര​ക്ഷോ​ഭം ന​യി​ച്ച വി​ദ്യാ​ർ​ഥി​ക​ളു​ടെ നേ​തൃ​ത്വ​ത്തി​ലാ​ണ് എ​ൻ.​സി.​പി രൂ​പ​വ​ത്ക​രി​ച്ച​ത്.

ഭീ​ക​ര​വാ​ദ പ്ര​വ​ർ​ത്ത​ന​ങ്ങ​ളു​ടെ​യും സ്വേ​ച്ഛാ​ധി​പ​ത്യ ഭ​ര​ണ​ത്തി​ന്റെ​യും പേ​രി​ൽ അ​വാ​മി ലീ​ഗ് നി​രോ​ധി​ക്ക​ണ​മെ​ന്ന വി​വി​ധ രാ​ഷ്ട്രീ​യ പാ​ർ​ട്ടി​ക​ളു​ടെ​യും സം​ഘ​ട​ന​ക​ളു​ടെ​യും ജ​ന​ങ്ങ​ളു​ടെ​യും ആ​വ​ശ്യം സ​ർ​ക്കാ​ർ ഗൗ​ര​വ​മാ​യി പ​രി​ഗ​ണി​ക്കു​ക​യാ​ണ്. രാ​ഷ്ട്രീ​യ പാ​ർ​ട്ടി​ക​ളു​മാ​യി സ​ർ​ക്കാ​ർ ബ​ന്ധ​പ്പെ​ട്ടി​ട്ടു​ണ്ടെ​ന്നും അ​വ​രു​മാ​യി കൂ​ടി​യാ​ലോ​ചി​ച്ച് വേ​ഗ​ത്തി​ൽ തീ​രു​മാ​ന​മെ​ടു​ക്കു​മെ​ന്നും ഇടക്കാല സർക്കാർ അറിയിച്ചിരുന്നു.

സംവരണ വിരുദ്ധ പ്രക്ഷോഭങ്ങളെ തുടർന്നാണ് ശൈഖ് ഹസീനക്ക് നാടുവിടേണ്ടി വന്നത്. പ്രക്ഷോഭങ്ങൾ ശക്തമായപ്പോൾ ശൈഖ് ഹസീന ഇന്ത്യയിൽ അഭയം പ്രാപിക്കുകയായിരുന്നു. ഇപ്പോഴും അവർ ഇന്ത്യയിൽ തുടരുകയാണെന്നാണ് റിപ്പോർട്ട്. ഹസീനയെ വിട്ടുനൽകണമെന്ന് ബംഗ്ലാദേശ് നിരവധി തവണ ആവശ്യപ്പെട്ടിട്ടും ഇന്ത്യ അതിന് തയാറായില്ല.