Top
Begin typing your search above and press return to search.
exit_to_app
exit_to_app
20 വർഷത്തിന​ിടെ കൊന്നത്​ 70 കടുവകളെ; കടുവ ഹബീബ്​ ഒടുവിൽ വലയിൽ
cancel
Homechevron_rightNewschevron_rightWorldchevron_right20 വർഷത്തിന​ിടെ...

20 വർഷത്തിന​ിടെ കൊന്നത്​ 70 കടുവകളെ; 'കടുവ ഹബീബ്​' ഒടുവിൽ വലയിൽ

text_fields
bookmark_border

ധാക്ക: വന്യജീവികളെ വ്യാപകമായി വേട്ടയാടിയതിന്​ വർഷങ്ങളായി പൊലീസ്​ തിരയുന്നയാൾ ഒടുവിൽ പൊലീസ്​ പിടിയിൽ. വംശനാശ ഭീഷണി നേരിടുന്ന 70 ബംഗാൾ കടുവകളെയുൾപെടെ വന്യജീവികളെ വ്യാപകമായി വേട്ടയാടി സുന്ദർബൻ വനങ്ങളിൽ വിലസി നടന്ന 'കടുവ ഹബീബ്​' ആണ്​ രണ്ടു പതിറ്റാണ്ടു നീണ്ട പൊലീസ്​ തിരച്ചിലിനൊടുവിൽ വലയിലായത്​.

വനമേഖലയോടു ചേർന്ന്​ താമസമാക്കിയ ഇയാൾ ​പൊലീസ്​ എത്തു​േമ്പാൾ കാട്ടിനുള്ളിലേക്ക്​ ഓടി രക്ഷപ്പെടുകയായിരുന്നു പതിവെന്ന്​ പൊലീസ്​ മേധാവി സൈദു റഹ്​മാൻ പറഞ്ഞു. ശനിയാഴ്ച കസ്റ്റഡിയിലെടുത്ത പൊലീസ്​ ഇയാളെ ജയിലിലാക്കി.

ബംഗാൾ കടുവകൾ ലോകത്ത്​ ഏറ്റവും കൂടുതൽ കാണപ്പെട്ട സുന്ദർബൻ വനങ്ങൾ ഇന്ത്യ- ബംഗ്ലദേശ്​ അതിർത്തിയോടു ചേർന്നാണ്​. ഇവിടങ്ങളിൽനിന്ന്​ വേട്ടയാടുന്ന കടുവയുടെ തോല്​, എല്ല്​ എന്നിവ മാത്രമല്ല മാംസം വരെ വിൽപന നടത്തിയിരുന്നതായാണ്​ സംശയം. ചൈനയിലുൾപെടെ കണ്ണികളുണ്ടായിരുന്നതായും അന്വേഷണ സംഘത്തിന്​ സൂചന ലഭിച്ചിട്ടുണ്ട്​.

വനത്തിൽ തേൻ ശേഖരിക്കുന്ന ജോലിയുമായി തുടങ്ങിയാണ്​ ഇയാൾ കടുവ വേട്ടയിലെത്തിയത്​. ഒറ്റക്കുപോയാണ്​ പലപ്പോഴും കടുവകളെ പിടികൂടുക. മാനുകളെയും പിടികൂടിയതിന്​ 50കാരന്‍റെ പേരിൽ കേസുകളുണ്ട്​. 70 കടുവകളെ താൻ വേട്ടയാടിയതായി ഇയാൾ നാട്ടുകാരോട്​ പറഞ്ഞത്​ മാത്രമാണ്​ പൊലീസിന്‍റെ കൈവശമുള്ള തെളിവ്​.

സുന്ദർബനിലെ കണ്ടൽ വനങ്ങളോടു ചേർന്ന ഉപ്പുരസമുള്ള വെള്ളത്തിലിറങ്ങി മീൻ പിടിക്കുന്ന ബംഗാൾ കടുവകൾ നന്നായി നീന്തൽ വശമുള്ളവയാണ്​. 2019ലെ കണക്കുകൾ പ്രകാരം ഇവിടെ മാത്രം 114 ബംഗാൾ കടുവകൾ ഉണ്ടായിരുന്നതായാണ്​ കണ്ടെത്തൽ. 2004ൽ 440 ആയിരുന്നതാണ്​ വർഷങ്ങൾക്ക​ിടെ വൻതോതിൽ കുറഞ്ഞത്​.

Show Full Article
TAGS:Bangladesh Tiger poaching Arrest 
News Summary - Bangladesh arrests suspect believed to have killed 70 tigers
Next Story