സംഘർഷ മേഖലയിലെ നിർണായക പട്ടണം കീഴടക്കിയെന്ന് അസർബൈജാൻ
text_fieldsബകു: സംഘർഷഭരിതമായ നഗോർണോ-കരാബാഖ് മേഖലയിലെ പ്രധാന പട്ടണങ്ങളിലൊന്ന് കീഴടക്കിയതായി അസർബൈജാൻ പ്രസിഡൻറ് അവകാശപ്പെട്ടു.
സുഷ എന്ന പട്ടണമാണ് പിടിച്ചതെന്ന് പ്രസിഡൻറ് ഇൽഹാം അലിയേവ് പറഞ്ഞു. എന്നാൽ, ഇക്കാര്യം അർമീനിയ നിഷേധിച്ചു. പോരാട്ടം തുടരുകയാണെന്നാണ് അവരുടെ വാദം. തർക്കമേഖലയിലെ പ്രദേശം പിടിക്കാനായത് അസർബൈജാന് നേട്ടമാകുമെന്ന് ബി.ബി.സി റിപ്പോർട്ട് ചെയ്തു.
അന്താരാഷ്ട്ര തലത്തിൽ നഗോർണോ-കരാബാഖ് അസർബൈജാെൻറ ഭാഗമായാണ് അംഗീകരിക്കപ്പെട്ടതെങ്കിലും ഇവിടം ഭരിക്കുന്നത് അർമീനിയ സർക്കാറിെൻറ പിന്തുണയുള്ള തദ്ദേശീയ ഗ്രൂപ്പാണ്. പോരാട്ടത്തിൽ അസർബൈജാന് വൻ നാശമുണ്ടായെന്ന് അർമീനിയ പ്രതിരോധ മന്ത്രാലയം അവകാശപ്പെട്ടു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.