ജ​ർ​മ​നി​യി​ൽ ക്രി​സ്മ​സ് മാ​ർ​ക്ക​റ്റി​നുനേ​രെ കാ​ർ ഇ​ടി​ച്ചു​ക​യ​റ്റി; അഞ്ചുമരണം, 200 പേ​ർ​ക്ക് പ​രി​ക്ക്

ബ​ർ​ലി​ൻ: ജ​ർ​മ​നി​യി​ൽ ക്രി​സ്മ​സ് മാ​ർ​ക്ക​റ്റി​നു നേ​രെ കാ​ർ ഇ​ടി​ച്ചു​ക​യ​റ്റി അഞ്ചുമരണം. 200ലേറെ പേ​ർ​ക്ക് പ​രി​ക്കേ​റ്റു. 40 പേരുടെ നില ഗുരുതരമാണ്. തെ​ക്കു​കി​ഴ​ക്ക​ൻ ബ​ർ​ലി​നി​ൽ​നി​ന്ന് 130 കി​ലോ​മീ​റ്റ​ർ അ​ക​ലെ​യാ​ണ് സം​ഭ​വം. 2006ൽ സൗദിയിൽനിന്ന് ജർമനിയിലേക്ക് കുടിയേറിയ ഫിസിയോ ​തെറപ്പി താലിബ് എന്ന ഡോ​ക്ട​റെ സം​ഭ​വ​വു​മാ​യി ബ​ന്ധ​പ്പെ​ട്ട് അ​റ​സ്റ്റ് ചെ​യ്തു.

ഇസ്‍ലാം മതം ഉപേക്ഷിച്ച ഇയാളുടെ എക്സ് അക്കൗണ്ട് നിറയെ ഇസ്‍ലാം വിരുദ്ധ, വിശ്വാസം ഉപേക്ഷിക്കുന്ന മുസ്‍ലിംകളെ അഭിനന്ദിക്കുന്ന പോസ്റ്റുകളാണ്. സാ​ക്സോ​ണി -അ​നാ​ൾ​ട്ട് സ്റ്റേ​റ്റി​ൽ താ​മ​സി​ക്കു​ന്ന ഇയാൾ യൂറോപ്പിൽ ഇസ്‍ലാം വളരുന്നതിനെതിരെ ഒന്നും ചെയ്യുന്നില്ലെന്ന് ചൂണ്ടിക്കാട്ടി ജർമൻ അധികൃതരെ വിമർശിക്കുന്നു.

തീവ്ര വലതുപക്ഷ നിലപാടുള്ള പ്രതി ഇസ്‍ലാമോഫോബിക് ആണെന്നാണ് ഇതുവരെയുള്ള അന്വേഷണത്തിൽ വ്യക്തമായതെന്നും കൂടുതൽ അന്വേഷണം നടത്തുമെന്നും ജർമൻ ആഭ്യന്തര മന്ത്രി നാൻസി ഫേസർ പറഞ്ഞു. മാ​ർ​ക്ക​റ്റി​ന് 400 മീ​റ്റ​ർ അ​ക​ലെ​നി​ന്നാ​ണ് ഇ​യാ​ൾ ക്രി​സ്മ​സ് മാ​ർ​ക്ക​റ്റി​നു നേ​രെ കാ​ർ ഓ​ടി​ച്ചു​ക​യ​റ്റി​യ​ത്. ജ​ർ​മ​ൻ ചാ​ൻ​സ​ല​ർ ഓ​ൾ​ഫ് സ്കോ​ൾ​സ് ഇ​ര​ക​ൾ​ക്കും കു​ടും​ബ​ത്തി​നും ഐ​ക്യ​ദാ​ർ​ഢ്യ​വും അ​നു​ശോ​ച​ന​വും അ​റി​യി​ച്ചു.

ആക്രമണം റിപ്പോർട്ട് ചെയ്തയുടൻ സമൂഹ മാധ്യമങ്ങളിൽ ഇസ്‍ലാം വിരുദ്ധ പ്രചാരണം വ്യാപകമായിരുന്നു. എന്നാൽ, പ്രതി മുസ്‍ലിം വിരുദ്ധനാണെന്ന് വ്യക്തമായതോടെ പ്രചാരണം നിലച്ചു. ആക്രമണത്തിൽ മ​റ്റാ​ർ​ക്കും ​പ​ങ്കി​ല്ലെ​ന്ന് വിശദീകരിച്ച് പൊലീസ് രംഗത്തെത്തി. ഫെബ്രുവരിയിൽ തെരഞ്ഞെടുപ്പ് നടക്കാനിരിക്കെയാണ് ഭീകരാക്രമണം. പിന്നിൽ കുടിയേറ്റ വിരുദ്ധ പക്ഷത്തിന്റെ പങ്ക് സംശയിക്കുന്ന വിലയിരുത്തലുണ്ട്.