ജപ്പാൻ ഭൂകമ്പത്തിൽ 13 മരണം; പുതുവർഷ ദിനത്തിലുണ്ടായത് 155 ഭൂചലനങ്ങൾ

ടോക്യോ: പുതുവർഷദിനത്തിൽ ജപ്പാനിലെ പടിഞ്ഞാറൻ തീരനഗരമായ ഇഷിക്കാവയിലുണ്ടായ ശക്തമായ ഭൂചനങ്ങളിൽ മരിച്ചവരുടെ എണ്ണം 13 ആയി. നിരവധി കെട്ടിടങ്ങൾ തകർന്നു. ഭൂകമ്പത്തെ തുടർന്ന് സൂനാമി മുന്നറിയിപ്പ് നൽകിയെങ്കിലും പിന്നീട് മുന്നറിയിപ്പിന്‍റെ തീവ്രത കുറച്ചു. തീരമേഖലയിൽ നിന്ന് ജനങ്ങൾക്ക് ഒഴിഞ്ഞുപോകാൻ നിർദേശം നൽകിയിരുന്നു. അതേസമയം, തുടർചലനങ്ങൾ പ്രതീക്ഷിക്കാമെന്ന മുന്നറിയിപ്പുണ്ട്.

തിങ്കളാഴ്ച വൈകീട്ട് റിക്ടർ സ്കെയിലിൽ 7.6 രേഖപ്പെടുത്തിയ ഭൂചലനത്തിന് പിന്നാലെ ആകെ 155 ഭൂചലനങ്ങൾ മേഖലയിൽ അനുഭവപ്പെട്ടതായാണ് ജപ്പാൻ ഭൂകമ്പ നിരീക്ഷണകേന്ദ്രം വ്യക്തമാക്കുന്നത്. വരുംദിവസങ്ങളിൽ തുടർചലനങ്ങൾക്കുള്ള സാധ്യതയുള്ളതിനാൽ ജനങ്ങൾ ജാഗ്രത പാലിക്കണമെന്നും മുന്നറിയിപ്പുണ്ട്. ഇഷിക്കാവയിൽ പലയിടത്തും റോഡും വൈദ്യുതിവിതരണവും തകർന്നു. 33,000 വീടുകളിലേക്കുള്ള വൈദ്യുതി നിലച്ചിരിക്കുകയാണ്.

തി​ങ്ക​ളാ​ഴ്ച വൈ​കീ​ട്ട് നാ​ലി​നു ​ശേ​ഷ​മാ​ണ് ഇ​ഷി​ക്കാ​വ തീ​ര​ത്ത് തുടർച്ചയായി ഭൂ​ച​ല​ന​ങ്ങ​ൾ വി​വി​ധ​യി​ട​ങ്ങ​ളി​ൽ അ​നു​ഭ​വ​പ്പെ​ട്ട​ത്. ഇ​തി​ലൊ​ന്ന് റി​ക്ട​ർ സ്കെ​യി​ലി​ൽ 7.6 തീ​വ്ര​ത രേ​ഖ​പ്പെ​ടു​ത്തി​. തു​ട​ർ​ന്നാ​ണ് ഇ​ഷി​കാ​വ, ഹോ​ൻ​ഷു, ഹൊ​ക്കാ​യ്ഡോ ദ്വീ​പു​ക​ളി​ൽ സൂ​നാ​മി മു​ന്ന​റി​യി​പ്പ് പു​റ​പ്പെ​ടു​വി​ച്ച​ത്. അ​ഞ്ച​ര മീ​റ്റ​ർ ഉ​യ​ര​ത്തി​ൽ തി​ര​മാ​ല ആ​ഞ്ഞ​ടി​ക്കു​മെ​ന്നായിരുന്നു മുന്നറിയിപ്പ്. പലയിടത്തും ഒന്നരമീറ്ററോളം ഉയരത്തിൽ തിരമാലകളെത്തി.

ഭൂ​ച​ല​ന​ത്തെ തു​ട​ർ​ന്ന് വൈ​ദ്യു​തി​യ​ട​ക്കം നി​ല​ച്ചു. ജ​ന​ങ്ങ​ൾ തെ​രു​വി​ലൂ​ടെ പ​രി​ഭ്രാ​ന്ത​രാ​യി ഓ​ടു​ന്ന ദൃ​ശ്യ​ങ്ങ​ൾ മാ​ധ്യ​മ​ങ്ങ​ൾ പു​റ​ത്തു​വി​ട്ടു. ഭൂ​ച​ല​ന​മു​ണ്ടാ​യ പ്ര​ദേ​ശ​ങ്ങ​ളി​ൽ ബു​ള്ള​റ്റ് ട്രെ​യി​നു​ക​ൾ ഓ​ട്ടം നി​ർ​ത്തി. ദേ​ശീ​യ​പാ​ത​ക​ൾ പ​ല​തും അ​ട​ച്ചു. കു​ടി​വെ​ള്ള പൈ​പ്പു​ക​ൾ ത​ക​ർ​ന്ന​താ​യും ദേ​ശീ​യ മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്തു.