വംശീയ വാദിയല്ല; മാപ്പുചോദിച്ച്​ സാക്കിർ നായിക്​

ക്വാലാലംപൂർ: വിവാദമായ വംശീയ പരാമർശത്തിൽ മാപ്പുചോദിച്ച്​ മതപ്രഭാഷകൻ സാക്കിർ നായിക്​. ​ത​​​െൻറ പ്രസ്​താവന തെ റ്റിദ്ധരിക്കപ്പെട്ടതുമൂലം വേദനിക്കേണ്ടി വന്ന എല്ലാവരോടും മാപ്പുചോദിക്കുകയാണെന്നും ഏതെങ്കിലും വ്യക്തിയെ യോ സമുദായത്തെയോ മനഃപൂർവ്വമോ അല്ലാതെയോ അധിക്ഷേപിക്കാൻ ഉദ്ദേശിച്ചിരുന്നില്ലെന്നും സാക്കിർ നായിക്​ പ്രസ ്​താവനയിലൂടെ അറിയിച്ചു.

വ്യക്തിയെയോ സമുദായത്തെയോ അധിക്ഷേപിക്കുന്നത്​ ഇസ്​ലാമി​​​െൻറ അടിസ്ഥാന പ്രമാണങ്ങൾക്ക്​ എതിരാണ്​. ത​​​െൻറ പ്രസ്​താവന ​അത്തരത്തിൽ തെറ്റിദ്ധരിക്കപ്പെട്ടതിൽ ഹൃദയത്തിൽ തൊട്ട്​ മാപ്പു ചോദിക്കുകയാണെന്നും നായിക്​ പ്രസ്​താവനയിൽ പറയുന്നു.

തനിക്കെതിരെ വംശീയ വിരോധം​ കുറ്റം ചുമത്തപ്പെട്ടിരിക്കുന്നു. പ്രഭാഷണങ്ങളിലെ ചില വരികൾ മാത്രമെടുത്ത്​ അത് കൃത്രിമത്വത്തോടെയാണ്​ പ്രചരിപ്പിച്ചത്​. പ്രഭാഷണങ്ങളിൽ പ്രത്യേക സാഹചര്യങ്ങളിൽ ഉപയോഗിച്ച വരികൾ അനുചിതമായ ഇടത്ത്​ ​ചേർത്താണ്​ വംശീയ വിരോധം കെട്ടിച്ചമച്ചത്​. ഇത്​ അമുസ്​ലിംകൾക്ക്​ തന്നോട്​ വെറുപ്പുണ്ടാക്കുമെന്നത്​ വേദനിപ്പിക്കുന്നു. ഒരിക്കലെങ്കിലും ത​​​െൻറ പ്രഭാഷണം കേട്ട വ്യക്തിക്ക്​ തന്നെ വെറുക്കാൻ കഴിയില്ല. അവർ ആ പ്രസ്​താവന അസ്ഥാനത്ത്​ ഉപയോഗിച്ചതാണെന്ന്​ മനസിലാക്കുമെന്നും സാക്കിർ നായിക്​ പറയുന്നു.

ലോകത്ത്​ സമാധാനം പരത്തുക എന്നതാണ്​ ത​​​െൻറ ലക്ഷ്യം. എന്നാൽ അത്​ പലതരത്തിൽ തടസപ്പെടുത്തുകയാണ്​. തനിക്കെതിരായ ആരോപണങ്ങൾ ഇസ്​ലാമി​​​െൻറ പ്രതിഛായക്ക്​ മങ്ങലേൽപ്പിക്കുകയും അതിലേക്ക്​ കൂടുതൽ ആളുകൾ എത്തുന്നതിനെ തടയുകയും ചെയ്യും. വംശീയ വിദ്വേഷം ​തിന്മയാണെന്ന്​ വിശുദ്ധ ഖുർആനിൽ പറയുന്നുണ്ട്​. അതിനെതിരെയാണ്​ ത​​​െൻറ പ്രഭാഷണങ്ങളെന്നും സാക്കിർ വിശദീകരിച്ചു.

ഹിന്ദു വിഭാഗങ്ങൾക്കെതിരെയും ചൈനീസ്​ സമുദായങ്ങൾക്കെതിരെയും വിദ്വേഷപ്രസംഗം നടത്തി‌യെന്നാരോപിച്ച്​ സാക്കിർ നായിക്കി​​​​​​െൻറ പ്രഭാഷണങ്ങൾക്ക്​ മലേഷ്യയിൽ വിലക്ക് ഏർപ്പെടുത്തിയിട്ടുണ്ട്​. ആഗസ്റ്റ് മൂന്നിന് മലേഷ്യയിലെ കോട്ട ബാരുവിൽ നടത്തിയ പ്രഭാഷണത്തിനിടെയാണ് ഹിന്ദുക്കൾക്കും ചൈനീസ് വംശജർക്കുമെതിരേ സാക്കിർ നായിക്ക് വംശീയപരാമർശം നടത്തിയത്. ഇതിനെതിരെ മലേഷ്യൻ​ പ്രധാനമന്ത്രി മഹാതിർ മുഹമ്മദ് രംഗത്തെത്തിയിരുന്നു.