ജപ്പാൻ മുൻ പ്രധാനമന്ത്രി നകാസോണെ അന്തരിച്ചു

ടോക്യോ: ജാപ്പനീസ്​ മുൻ പ്രധാനമന്ത്രിയും യു.എസ്​ പ്രസിഡൻറ്​ റൊണാൾഡ്​ റെയ്​ഗ​​െൻറ ഉറ്റസുഹൃത്തുമായിരുന ്ന യസുഹിതോ നകാസോണെ അന്തരിച്ചു. 101 വയസ്സായിരുന്നു. രണ്ടാം ലോകയുദ്ധകാലത്ത്​ നാവികസേന ഓഫിസറായിരുന്ന ഇദ്ദേഹം 1982 മ ുതൽ 1987 വരെയാണ്​‌ പ്രധാനമന്ത്രിപദത്തിലിരുന്നത്. രണ്ടാംലോകയുദ്ധവും ശീതകാലയുദ്ധവും തകർത്ത ജപ്പാനെ പുനരുജ്ജീവ ിപ്പിക്കാൻ ശ്രമം നടത്തിയ ഭരണാധികാരിയാണ്​.

യു.എസുമായുള്ള ബന്ധം മെച്ച​പ്പെടുത്താനും മുൻകൈയെടുത്തു. രണ്ടാംലോകയുദ്ധാനന്തരം അമേരിക്കയുടെ നേതൃത്വത്തിലുണ്ടാക്കിയ യുദ്ധവിരുദ്ധ ഭരണഘടന പൊളിച്ചെഴുതണമെന്നത്​ നകാസോണെയുടെ ലക്ഷ്യമായിരുന്നു. എന്നാൽ, അത്​ നടപ്പാക്കാനായില്ല. റെയ്​ഗ​​െൻറയും ബ്രിട്ടീഷ്​ പ്രധാനമന്ത്രിയായിരുന്ന മാർഗരറ്റ്​ താച്ച​റുടെയും സമകാലികനാണ്​ നകാസോണെ. റെയ്​ഗനുമായുള്ള നകാസോണെയുടെ സൗഹൃദം ‘റോൺ-യസു’ കൂട്ടുകെട്ടെന്ന പേരിൽ പ്രശസ്​തമാണ്​.

യു.എസി​​െൻറ മുങ്ങാത്ത വിമാനവാഹിനിയാക്കി ജപ്പാനെ മാറ്റുമെന്നു പറഞ്ഞ നകാസോണെ, പ്രതിരോധ ബജറ്റ് മൊത്തം ദേശീയ വരുമാനത്തി​​െൻറ ഒരു ശതമാനമാക്കി നിജപ്പെടുത്തണമെന്ന കീഴ്‌വഴക്കം ഉപേക്ഷിച്ചു. 2003ലാണ്​ രാഷ്​ട്രീയത്തിൽനിന്നു വിരമിച്ചത്. എങ്കിലും യുദ്ധവേളകളിൽ സൈന്യത്തിന് ഇടപെടാനുള്ള അധികാരം സംബന്ധിച്ച് അവ്യക്തത മാത്രം ശേഷിക്കുന്ന ഭരണഘടന മാറ്റിയെഴുതണമെന്ന്​ ഭരണനേതൃത്വത്തോട് നിരന്തരം ആവശ്യപ്പെട്ടുകൊണ്ടിരുന്നു. നിലവിലെ പ്രധാനമന്ത്രി ഷിൻസോ അബെക്കും നകാസോണെയുടെ നിലപാടാണുള്ളത്​.