ഹിന്ദു വിരുദ്ധ പരാമർശം; പാക്​ മന്ത്രിക്കെതിരെ നടപടിയുമായി സർക്കാർ

ഇസ്​ലാമാബാദ്​: ഹിന്ദു വിരുദ്ധ പരാമർശം നടത്തിയ പാക്​ മന്ത്രിക്കെതിരെ രൂക്ഷ വിമർശനവുമായി പാകിസ്​താൻ തെഹ്​രീക െ ഇൻസാഫ്​ പാർട്ടി. സാംസ്​കാരിക മന്ത്രി ഫയാസുൽ ഹസ്സൻ കോഹനെതിരെയാണ്​ ഭരണകക്ഷി പാർട്ടി രൂക്ഷ വിമർശനവുമായി രംഗത ്തെത്തിയത്​.

മറ്റുള്ളവരുടെ മതവിശ്വാസങ്ങളെ ആക്രമിക്കാൻ ആർക്കും അവകാശമില്ലെന്ന്​ മനുഷ്യാവകാശ വകുപ്പ്​ മന ്ത്രി ഷിറീൻ മസാരി പറഞ്ഞു. നമ്മുടെ ഹിന്ദു പൗരൻമാരും അവരുടെ രാജ്യത്തിനു വേണ്ടി ത്യാഗം സഹിക്കുന്നവരാണ്​. എപ്പോഴും സഹിഷ്​ണുതയും ഉണ്ടാകണമെന്നതാണ്​ പ്രധാനമന്ത്രി നൽകുന്ന സന്ദേശം. മതഭ്രാന്തും മതവിദ്വേഷവും പരത്തുന്നതിന്​ മാപ്പു കൊടുക്കാനാവില്ല - ഷിറീൻ പറഞ്ഞു.

കഴിഞ്ഞ മാസം വാർത്താസമ്മേളനത്തിനിടെയായിരുന്നു ഫയാസുൽ കോഹ​​െൻറ ഹിന്ദു വിരുദ്ധ പരാമർശം. ഹിന്ദുക്കളെല്ലാവരും ഗോമൂത്രം കുടിക്കുന്നവരാണെന്നായിരുന്നു മന്ത്രി പറഞ്ഞത്​. ‘ ഞങ്ങൾ മുസ്​ലീംകളാണ്​. ഞങ്ങളുടെ കൈയിൽ കൊടിയുണ്ട്​. മൗല ആലിയയുടെ ധൈര്യത്തി​​െൻറ കൊടി, ഹസ്രത്​ ഉമ്രയുടെ വീര്യത്തി​​െൻറ കൊടി. നിങ്ങളുടെ കൈയിൽ അത്തരം ​കൊടികളൊന്നുമില്ല. ഞങ്ങളേക്കാൾ ഏഴുമടങ്ങ്​ നല്ലതാണെന്ന മിഥ്യാബോധത്തിൽ പ്രവർത്തിക്കരുത്​. ഞങ്ങൾക്കാവുന്നത്​ വിഗ്രഹാരാധകരായ നിങ്ങ​െള കൊണ്ട്​ കഴിയില്ല - എന്നായിരുന്നു ഫയാസുൽ കോഹ​​െൻറ പരാമർശം.

പുൽവാമ ആക്രമണത്തിനു ശേഷം കശ്​മീരിലുടലെടുത്ത പ്രശ്​നങ്ങൾക്കിടെയായിരുന്നു ഫയാസുൽ ഹസൻ കോഹ​​െൻറ പ്രസ്​താവന വന്നത്​.

ഹിന്ദുക്കളെ അപമാനിക്കുന്ന തരത്തിലുള്ള പരാമർശമാണ്​ പഞ്ചാബ്​ മന്ത്രി ഫയാസുൽ കോഹനിൽ നിന്നുണ്ടായത്​. അദ്ദേഹത്തിനെതിരെ ശക്​തമായ നടപടി സ്വീകരിക്കും. ആരിൽ നിന്നുമുള്ള ഇത്തരം അസംബന്ധങ്ങളോട്​ പാകിസ്​താൻ തെഹ്​രീകെ ഇൻസാഫ്​ സർക്കാർ ക്ഷമിക്കുകയില്ല. പഞ്ചാബ്​ മുഖ്യമന്ത്രിയുമായി കൂടിയാ​േലാചിച്ച്​ വേണ്ട നടപടികൾ സ്വീകരിക്കുമെന്ന് പ്രധാനമന്ത്രി ഇംറാൻ ഖാ​​െൻറ രാഷ്​ട്രീയ കാര്യ ഉപദേഷ്​ടാവ്​​ നയീമുൽ ഹഖും വ്യക്​തമാക്കി.