മ്യാൻമറിന്​ ആയുധം നൽകുന്നതാര്?

റങ്കൂൺ: മ്യാൻമറി​​െൻറ രാഷ്​ട്രീയവും വിദേശ ബന്ധങ്ങളെ നിയന്ത്രിക്കുന്നതും രൂപീകരിക്കുന്നതും സൈന്യമാണ്​. 1948ൽ ബ്രിട്ടീഷുകാരിൽ നിന്ന്​ സ്വാതന്ത്ര്യം കിട്ടിയതിന്​ ശേഷം രാജ്യത്തി​​െൻറ ഭരണത്തിലും സൈന്യം നിർണായക സ്വാധീനം ചെലുത്തുന്നു. 1990കളിൽ യൂറോപ്യൻ യുണിയനും യു.എസും ചില വിലക്കുകൾ മ്യാൻമറിന്​ മേൽ ചുമത്തി. പിന്നീട്​ 2012ൽ ജനാതിപത്യത്തിലേക്ക്​ ചുവട്​ വെച്ചുവെങ്കിലും ഇ.യു ആയുധങ്ങൾ നൽകുന്നതിന്​ മ്യാൻമറിന്​ മേൽ ഏർപ്പെടുത്തിയ വിലക്ക്​ പിൻവലിച്ചിരുന്നില്ല. ഇയൊരു സാഹചര്യത്തിലും മ്യാൻമറിന്​ ആയുധങ്ങൾ ലഭിക്കുന്നതെവിടെ നിന്നാണെന്നത് ഉയർന്ന്​ വരുന്ന ചോദ്യമാണ്​.

ചൈന, യുക്രൈൻ, റഷ്യ, ചൈന, ഇന്ത്യ തുടങ്ങിയ രാജ്യങ്ങളാണ്​ മ്യാൻമറിനുള്ള ആയുധങ്ങളിൽ ഭൂരിപക്ഷവും നൽകുന്നത്​. യുദ്ധ ടാങ്കുകൾ, തോക്കുകൾ, നാവിക കപ്പലുകൾ, മിസൈലുകൾ, വിമാനങ്ങൾ എന്നിവയെല്ലാം ഇൗ രാജ്യങ്ങളുടെ സഹായത്തോടെയാണ്​ മ്യാൻമർ സ്വന്തമാക്കുന്നത്​. ചുരുക്കത്തിൽ ഇന്ത്യയുൾപ്പടെയുള്ള രാജ്യങ്ങൾ നൽകുന്ന സഹാ​യം കൊണ്ട്​ കൂടിയാണ്​ മ്യാൻമർ റോഹിങ്ക്യൻ മുസ്​ലിംകളെ കൂട്ടക്കുരുതി നടത്തുന്നത്​. റോഹിങ്ക്യകളെ ഇന്ത്യയിൽ നിന്ന്​ കുടിയിറക്കുമെന്ന്​ പ്രഖ്യാപിക്കുന്ന ന​രേന്ദ്രമോദിയുടെ നേതൃത്വത്തിലുള്ള കേന്ദ്രസർക്കാർ തങ്ങൾ കൂടി നൽകുന്ന സഹായമുപയോഗിച്ചാണ്​ റോഹിങ്ക്യകളെ മ്യാൻമർ കൂട്ടക്കുരിതി നടത്തുന്നതെന്ന്​ ഒാർക്കണം.