Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightWorldchevron_rightകോവിഡി​െൻറ പ്രഭവ...

കോവിഡി​െൻറ പ്രഭവ കേന്ദ്രമെന്ന്​ പറയപ്പെടുന്ന വെറ്റ്​ മാർക്കറ്റുകൾ തുറന്ന്​ ചൈന

text_fields
bookmark_border
wet-market-china
cancel

ബെയ്​ജിങ്​: കോവിഡ്​ 19 വൈറസി​​െൻറ സമൂഹ വ്യാപനം ഒരുപരിധി വരെ നിയന്ത്രണവിധേയമായതോടെ പല കാര്യങ്ങൾക്കും ഇളവ്​ വ രുത്തി ചൈനീസ്​ സർക്കാർ. ചൈനയിലെ ചില നഗരങ്ങളിലെ ആഭ്യന്തര വിമാന സർവീസുകൾ പുനരാരംഭിച്ചതിന്​ പിന്നാലെ വന്യജീവികള ുടെ ഇറച്ചി വിൽപനയിൽ കുപ്രസിദ്ധമായ വെറ്റ് മാര്‍ക്കറ്റുകള്‍ വീണ്ടും തുറന്നതായി അന്തർദേശീയ മാധ്യമങ്ങൾ റിപ്പോര ്‍ട്ട് ചെയ്​തു.

വവ്വാലുകള്‍, പൂച്ചകള്‍, നായ, പാമ്പ്​, ആമ, തേൾ, ചിലന്തി തുടങ്ങി നിരവധി ജീവികളുടെ മാംസ വില്‍പനയാണ് ഇത്തരം മാർക്കറ്റുകളില്‍ നടക്കുന്നത്. കോവിഡ് -19​​െൻറ പ്രഭവ കേന്ദ്രമെന്ന്​ പറയപ്പെടുന്നത്​ ചൈനയിലെ വുഹാൻ നഗരത്തിലുള്ള വെറ്റ് മാര്‍ക്കറ്റുകളിലൊന്നാണ്​​. അവിടെ വെച്ചാണത്രേ 55കാരന്​ വൈറസ്​ ബാധയേറ്റത്​. വവ്വാലുകളിൽ നിന്നാണ്​ വൈറസ്​ പടർന്നതെന്ന്​ വാർത്തകൾ വന്നിരുന്നെങ്കിലും പാമ്പുകളിലൂടെയാകാമെന്നും നിരീക്ഷണമുണ്ടായിരുന്നു.

വെറ്റ്​ മാർക്കറ്റുകൾ അടക്കണമെന്ന്​ ലോകരാജ്യങ്ങൾ ചൈനയോട്​ ആവശ്യപ്പെട്ടിരുന്നു. എന്നാൽ അത്തരം നിർദേശങ്ങൾ കാറ്റിൽ പറത്തിയാണ്​ ചൈന മാർക്കറ്റുകൾ വീണ്ടും തുറന്നിരിക്കുന്നത്​. മുമ്പ്​ പ്രവർത്തിച്ചിരുന്ന അതേ രീതിയിലാണ്​ മാർക്കറ്റ്​ ഇപ്പോഴും പ്രവർത്തിക്കുന്നതെന്നാണ്​ റിപ്പോർട്ട്​.

പതിവുപോലെ മാർക്കറ്റിലെ രക്​തംതളംകെട്ടിയ തറയും പട്ടിയെയും പൂച്ചയെയും വെട്ടിയിടുന്ന രംഗങ്ങളും ആരും പകർത്താതിരിക്കാൻ ഗാർഡുകളെയും സർക്കാർ നിയോഗിച്ചിട്ടുണ്ട്​.

അതേസമയം, ചൈനയിലെ ഷെൻ‌ഷെൻ നഗരത്തിൽ പട്ടികളെയും പൂച്ചകളെയും തിന്നുന്നത്​ നിരോധിച്ചതായി ഇന്ന്​ വാർത്തകൾ വന്നിരുന്നു. പാമ്പ്​, തവള, ആമ എന്നിവക്കും നിരോധനം ബാധകമാണ്​. രാജ്യത്ത് ആദ്യമായാണ്​ ഇത്തരമൊരു നിയമം പാസാകുന്നത്​. മെയ് ഒന്നിന് നിയമം പ്രാബല്യത്തിൽ വരുമെന്ന് സർക്കാർ അറിയിച്ചതായി ഡെയ്​ലി ​മെയിൽ പത്രമാണ്​ റിപ്പോർട്ട്​ ചെയ്​തത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:chinaworld newscovid 19wuhan fish marketwet market
News Summary - wet markets in china reopen-world news
Next Story