അമേരിക്കൻ പൗരൻ ചൈനയിൽ കൊറോണ ബാധിച്ച്​ മരിച്ചു

ബെയ്​ജിങ്​: അമേരിക്കൻ പൗരൻ ചൈനയിൽ കൊറോണവൈറസ്​ ബാധിച്ച്​ മരിച്ചു. ചൈനയിലെ ജിൻയിന്താൻ ആശുപത്രിയിൽ ഫെബ്രുവരി ആറിനായിരുന്നു മരണം. യു.എസ്​ എംബസി വക്​താവ് ശനിയാഴ്​ചയാണ്​​ ഔദ്യോഗികമായി ഇക്കാര്യം അറിയിച്ചത്​. ചൈനയിലെ കൊറ ോണബാധ ഏറ്റവും രൂക്ഷമായ വുഹാനിലാണ്​ അമേരിക്കൻ പൗരൻ താമസിച്ചിരുന്നത്​.

കൊറോണവൈറസ്​ ബാധയേറ്റ്​ മരിച്ച അമ േരിക്കൻ പൗരൻെറ കുടുംബത്തിൻെറ ദുഃഖത്തിൽ പങ്കുചേരുന്നതായി എംബസി വക്​താവ്​ അറിയിച്ചു. കുടുംബത്തിൻെറ സ്വകാര്യത മാനിച്ച്​ മറ്റ്​ വിവരങ്ങൾ പുറത്ത്​ വിടുന്നില്ലെന്നും അദ്ദേഹം വ്യക്​തമാക്കി.

വ്യാഴാഴ്​ച ഉച്ചവരെ മറ്റ്​ രാജ്യങ്ങളിലെ 19 പേ​രാണ്​ ചൈനയിൽ കൊറോണ ബാധയെ തുടർന്ന്​ ചികൽസ തേടിയത്​. ഇതിൽ രണ്ട്​ പേർ രോഗം ഭേദമായി ആശുപത്രി വിട്ടു. 17 പേർ ഇപ്പോഴും വിവിധ ആശുപത്രികളിൽ ചികിൽസയിലാണ്​.

LATEST VIDEO: