താലിബാൻ കേന്ദ്രത്തിൽ അമേരിക്കൻ വ്യോമാക്രമണം

കാബൂൾ: അഫ്​ഗാനിൽ 18 വർഷമായി തുടരുന്ന അശാന്തിക്ക്​ ഒടുക്കമാകുമെന്ന്​ കരുതിയ സമാധാന കരാർ ഒപ്പുവെച്ച്​ ദിവസങ്ങൾ ക്കകം താലിബാൻ കേന്ദ്രത്തിൽ അമേരിക്കൻ ആക്രമണം. അഫ്​ഗാനിലെ പങ്കാളിയെ പ്രതിരോധിക്കേണ്ട ബാധ്യത തങ്ങൾക്കുണ്ടെന ്നാണ്​​ ആക്രമണത്തെ കുറിച്ച്​ അമേരിക്കൻ സൈന്യത്തി​​​​​െൻറ വക്​താവ്​ പ്രതികരിച്ചത്​.

ആളപായമുണ്ടായതായോ ആ ക്രമണത്തി​​​​​െൻറ കൂടുതൽ വിശദാംശങ്ങളോ പുറത്ത്​ വിട്ടിട്ടില്ല. അമേരിക്കൻ പ്രസിഡൻറ്​ ഡോണൾഡ്​ ട്രംപ്​ താലിബ ാൻ നേതാവ്​ മുല്ല അബ്​ദുൽ ഗനിയുമായി ഫോണിൽ സംസാരിച്ച്​ മണിക്കൂറുകൾക്ക്​ ശേഷമാണ്​ അമേരിക്കൻ വ്യോമാക്രമണം. വളരെ നല്ല സംഭാഷണമായിരൂന്നെന്നാണ്​ അമേരിക്കൻ പ്രസിഡൻറ്​ ഇതേ കുറിച്ച്​ പ്രതികരിച്ചിരുന്നത്​. തടവുകാരുടെ മോചനം സംബന്ധിച്ച്​ അഫ്​ഗാൻ പ്രസിഡൻറുമായി സംസാരിക്കാൻ സ്​റ്റേറ്റ ്​ സെക്രട്ടറി മൈക്ക്​ പോംപിയോയെ ചുമതലപ്പെടുത്തുമെന്ന്​ ട്രംപ്​ ഉറപ്പ്​ നൽകിയതായി താലിബാനും ഈ സംസാരത്തെ സംബന്ധിച്ച്​ പ്രതികരിച്ചിരുന്നു.

ശനിയാഴ്​ചയാണ്​ ഖത്തറിൽ വെച്ച്​ അമേരിക്കയും താലിബാനും ചരിത്ര പ്രസക്​തമായ സമാധാന കരാറിൽ ഒപ്പുവെച്ചത്​. 14 മാസത്തിനകം മുഴുവൻ വിദേശ സൈന്യവും അഫ്​ഗാനിൽ നിന്ന്​ പിൻവാങ്ങുമെന്ന കരാറിലെ ധാരണ താലിബാൻ മേഖലയിൽ വലിയ ആഹ്ലാദത്തിന്​ വഴിവെച്ചിരുന്നു.

മാർച്ച്​ 10 നകം തടവുകാരെ പരസ്​പരം കൈമാറുന്നതുമായി ബന്ധപ്പെട്ട്​ അഫ്​ഗാൻ സർക്കാറുമായി ചർച്ച നടക്കുമെന്നും കരാറിലെ ധാരണയായിരുന്നു. എന്നാൽ, തടവുകാരെ ​വിട്ടു നൽകുന്നതുമായി ബന്ധപ്പെട്ട്​ ഒരുറപ്പും തങ്ങൾ നൽകിയി​ട്ടില്ലെന്ന്​ അഫ്​ഗാൻ പ്രസിഡൻറ്​ അഷ്​റഫ്​ ഗനി ഞായറാഴ്​ച പ്രഖ്യാപിച്ചു.

​്അഫ്​ഗാൻ പ്രസിഡൻറി​​​​​െൻറ നിലപാടിൽ പ്ര​േകാപിതരായ താലിബാൻ സമാധാന കരാറിൽ നിന്ന്​ ഭാഗികമായി പിൻമാറുന്നതായി പ്രഖ്യാപിച്ചു. അഫ്​ഗാൻ സൈന്യവുമായി പോരാട്ടം തുടരുമെന്നും വിദേശ സൈന്യത്തെ ആക്രമിക്കില്ലെന്നും താലിബാൻ പ്രഖ്യാപിച്ചു. ശേഷം പലയിടത്തും ആക്രമണങ്ങളും സ്​ഫോടനങ്ങളും ഉണ്ടായി. എന്നാൽ, താലിബാൻ ഈ ആക്രമണങ്ങളുടെ ഉത്തരവാദിത്വം ഏറ്റെടുക്കുകയോ നിഷേധിക്കുകയോ ചെയ്​തില്ല.

സംഘർഷം ഒഴിവാക്കുന്നതുമായി ബന്ധപ്പെട്ടാണ്​ അമേരിക്കൻ പ്രസിഡൻറ്​ ഡോണൾഡ്​ ട്രംപ്​ താലിബാൻ നേതൃത്വവുമായി ഫോണിൽ ബന്ധപ്പെട്ടത്​. ഇരുപക്ഷവും ശുഭകരമായിരുന്നുവെന്ന്​ വിലയിരുത്തിയ ഈ ഫോൺ സംഭാഷണത്തിന്​ ശേഷമാണ്​ അമേരിക്കൻ സൈന്യത്തി​​​​​െൻറ ആക്രമണമുണ്ടായത്​. അഫ്​ഗാൻ സർക്കാറിനെ കൂടി ഉൾപ്പെടുത്തിയാണ്​ ഇനി താലിബാനുമായി അമേരിക്കക്ക്​ ചർച്ചകൾ നടത്താനുള്ളത്​.