അഫ്​ഗാനിസ്​താനിൽ യു.എസ്​-താലിബാൻ വെടിനിർത്തൽ കരാർ

കാബൂൾ: അഫ്​ഗാനിസ്​താനിൽ ഏഴു ദിവസം വെടിനിർത്തലിന്​ താലിബാനും യു.എസും തമ്മിൽ ധാരണ. രണ്ടു പതിറ്റാണ്ടായി തുടരുന് ന സംഘർഷത്തി​ന്​ ശാശ്വത സമാധാനം തേടിയുള്ള നീക്കങ്ങളിലെ പ്രാഥമിക നടപടിയായാണ്​ താൽക്കാലിക വെടിനിർത്തൽ. രാജ്യത്ത്​ തുടരുന്ന അക്രമസംഭവങ്ങൾ അവസാനിപ്പിക്കാൻ ഇരു വിഭാഗവും ഒരു വർഷമായി ചർച്ചകൾ തുടരുകയാണ്​.

സമാധാനത്തിലേക്ക്​ നിർണായക ചുവടുവെപ്പാണിതെന്ന്​ യു.എസ്​ സ്​റ്റേറ്റ്​ സെക്രട്ടറി മൈക്​ പോംപിയോ പറഞ്ഞു. എന്നാൽ, മതിയായ സുരക്ഷയൊരുക്കിയാൽ മാത്രമേ തുടർന്നുള്ള കരാറിൽ ഒപ്പുവെക്കൂയെന്ന്​ താലിബാൻ പ്രതിനിധികൾ പ്രതികരിച്ചു. പ്രസിഡൻറ്​ തെരഞ്ഞെടുപ്പ്​ വിജയിയെ ചൊല്ലി തർക്കം തുടരുന്നതിനാൽ അഫ്​ഗാൻ സർക്കാർ പ്രതിനിധികൾ ചർച്ചയുടെ ഭാഗമായിരുന്നില്ല.

2001ൽ അഫ്​ഗാനിലെത്തിയ യു.എസ്​ സേനക്ക്​ ശതകോടികൾ ചെലവഴിച്ചിട്ടും താലിബാനെതിരെ പുരോഗതി ഉണ്ടാക്കാനായിട്ടില്ല. രാജ്യത്തെ യു.എസ്​ സൈനിക സാന്നിധ്യം അവസാനിപ്പിക്കുമെന്ന്​ 2016​ൽ പ്രസിഡൻറ്​ ട്രംപ്​ പ്രഖ്യാപിച്ചിരുന്നു.