Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightWorldchevron_rightഫലസ്​തീൻ പ്രദേശങ്ങൾ...

ഫലസ്​തീൻ പ്രദേശങ്ങൾ പിടിച്ചെടുക്കരുതെന്ന്​ ഇസ്രായേലിനോട്​ യു.എൻ

text_fields
bookmark_border
ഫലസ്​തീൻ പ്രദേശങ്ങൾ പിടിച്ചെടുക്കരുതെന്ന്​ ഇസ്രായേലിനോട്​ യു.എൻ
cancel
camera_altഐക്യരാഷ്ട്രസഭ സെക്രട്ടറി ജനറൽ അ​േൻറാണിയോ ഗുട്ടെറസ്, ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു

യുനൈറ്റഡ്​ നേഷൻസ്​: ഫലസ്​തീ​നിെൻറ ചില ഭാഗങ്ങൾ കൂടി ഇസ്രായേലിനോട്​ കൂട്ടിച്ചേർക്കാനുള്ള നീക്കം ഉപേക്ഷിക്കണമെന്ന് ഐക്യരാഷ്ട്രസഭ സെക്രട്ടറി ജനറൽ അ​േൻറാണിയോ ഗുട്ടെറസ് ഇസ്രയേലിനോട് ആവശ്യപ്പെട്ടു. യുഎൻ സുരക്ഷ കൗൺസിലിന് നൽകിയ റിപ്പോർട്ടിലാണ് ഇക്കാര്യം വ്യക്തമാക്കിയത്.

വെസ്​റ്റ്​ ബാങ്ക്​ പ്രദേശങ്ങൾ ജൂലൈ ഒന്നു മുതൽ പിടിച്ചെടുക്കുമെന്ന്​ ബെഞ്ചമിൻ നെതന്യാഹുവി​െൻറ നേതൃത്വത്തിലുള്ള ഇസ്രായേൽ സർക്കാർ പ്രഖ്യാപിച്ചിരുന്നു. ഇൗ നീക്കം അന്താരാഷ്ട്ര നിയമങ്ങളുടെ ഗുരുതരമായ ലംഘനമായിരിക്കുമെന്ന്​ ഗുട്ടെറസ് മുന്നറിയിപ്പ്​ നൽകി. പുതിയ ചർച്ചകൾക്കും ദ്വിരാഷ്ട്ര പരിഹാര നിർദേശങ്ങൾക്കും വിഘാതം സൃഷ്​ടിക്കും. ഫലസ്​തീനികൾക്കും ഇസ്രയേലികൾക്കും സർവോപരി ​ഇൗ മേഖലയ്​ക്കും ഇത് വൻ ദുരന്തമായിരിക്കുമെന്നും അദ്ദേഹം പറഞ്ഞു.


ഫലസ്തീനിൽ ഇസ്രയേൽ നടത്തിയ അധിനിവേശത്തി​െൻറ വ്യാപ്​തി വ്യക്​തമാക്കുന്ന ഭൂപടവുമായി ഫലസ്തീൻ പ്രസിഡൻറ്​ മഹ്​മൂദ് അബ്ബാസ് [ഫയൽ ചിത്രം: എ.എഫ്‌.പി]

കിഴക്കൻ ജറുസലേമിനെ തലസ്ഥാനമാക്കി പരമാധികാര ഫലസ്തീൻ രാഷ്ട്രം സ്​ഥാപിക്കാനുള്ള പദ്ധതി ഫലസ്തീൻ നേതൃത്വം കഴിഞ്ഞ ആഴ്ച നിർദേശിച്ചിരുന്നു. തുല്യ അളവിൽ ഭൂമി കൈകമാറ്റ​മടക്കമുള്ള അതിർത്തി പരിഷ്കരണ സാധ്യതയും ഇൗ നിർദേശത്തിൽ മുന്നോട്ടുവെച്ചിരുന്നു.

അധിനിവേശ വെസ്റ്റ് ബാങ്കി​െൻറ വലിയൊരു ഭാഗം പിടിച്ചെടുക്കാൻ യു.എസ് പ്രസിഡൻറ്​ ഡൊണാൾഡ് ട്രംപ്​ ഇസ്രയേലിന് പച്ചക്കൊടി കാണിച്ചിരുന്നു. നിയമവിരുദ്ധ ജൂത കുടിയേറ്റകേന്ദ്രങ്ങളും ജോർദാൻ താഴ്വരയും ഉൾപ്പെടെ ഇസ്രായേലി​െൻറ ഭാഗമാക്കാനാണ്​ നീക്കം. ഇൗ വിവാദ പദ്ധതിക്ക് മറുപടിയുമായാണ് ഫലസ്തീൻ രംഗത്തുവന്നത്​.

ഫലസ്തീനിൽ ഇസ്രയേൽ നടത്തിയ അധിനിവേശത്തി​െൻറ വ്യാപ്​തി വ്യക്​തമാക്കുന്ന ഭൂപടവുമായി ഫലസ്തീൻ പ്രസിഡൻറ്​ മഹ്​മൂദ് അബ്ബാസ് [ഫയൽ ചിത്രം: എ.എഫ്‌.പി]

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:palestineUNIsraelAntonio Guterresannexation
Next Story