മാം​ഗ്​​ഖൂ​ട്ട് ഫിലിപ്പീൻസിൽ; 12 മരണം

07:03 AM
16/09/2018

മനില: മാരക പ്രഹരശേഷിയുള്ള മാംഗ്​ഖൂട്ട്​ ചുഴലിക്കാറ്റ്​ ഫിലിപ്പീൻസിലെത്തി. ചുഴലിക്കാറ്റിനെ തുടർന്നുണ്ടായ അപകടങ്ങളിൽ ഇതുവരെ രാജ്യത്ത്​ 12 പേർക്ക്​ ജീവൻ നഷ്​ടമായി. കാറ്റിനെ തുടർന്ന്​ കനത്ത മഴയാണ്​ ഫിലിപ്പീൻസിൽ പെയ്യുന്നത്​. ചുഴലിക്കാറ്റ്​ ഹോങ്​​േങ്കാങ്ങിലേക്കും​ ദക്ഷിണ ചൈനയിലേക്കും നീങ്ങുന്നുവെന്നാണ്​ റിപ്പോർട്ടുകൾ.

ഉരുൾപൊട്ടലിലും വീടുകൾ തകർന്നുമാണ്​ കൂടുതൽ പേർ മരിച്ചത്​. പലരും വീട്​ വിട്ട്​ പുറത്ത്​ പോകാത്തത്​ ദുരന്തത്തി​​​​​െൻറ വ്യാപ്​തി വർധിപ്പിച്ചുവെന്ന്​ പ്രസിഡൻറി​​​​​െൻറ ഉപദേശകൻ ഫ്രാൻസിസ്​ ടോലേ​േൻാ പറഞ്ഞു.

ചുഴലിക്കാറ്റിനെ തുടർന്ന്​ ആറ്​ പേരെ കാണാതായിട്ടുണ്ടെന്നും അദ്ദേഹം കൂട്ടിച്ചേർത്തു. മരണസംഖ്യ ഇനിയും ഉയരാൻ സാധ്യതയുണ്ടെന്നും അദ്ദേഹം പറഞ്ഞു. ഫിലിപ്പീൻസിൽ സമീപകാലത്ത്​ ഉണ്ടായ അതിശക്​തമായ ചുഴലിക്കാറ്റുകളിലൊന്നാണ്​ മാംഗ്​ഖൂട്ട്​.

Loading...
COMMENTS