സിറിയയിൽ തുർക്കി ഹെലികോപ്​റ്റർ തകർന്ന്​ രണ്ട് പേർ കൊല്ലപ്പെട്ടു

ഡമാസ്കസ്​: സിറിയയിലെ കുർദ്​ പോരാളികൾക്കെതിരായ പോരാട്ടത്തിനിടെ തുർക്കി ഹെലികോപ്​റ്റർ തകർന്നു. സംഭവത്തിൽ രണ്ട്​ പേർ കൊല്ലപ്പെട്ടു. തുർക്കി പ്രധാനമന്ത്രിയാണ്​ ഹെലികോപ്​റ്റർ തകർന്ന വിവരം അറിയിച്ചത്​.

നേരത്തെ തുർക്കി പ്രസിഡൻറ്​ റജബ്​ ത്വയിബ്​ ഉറുദുഗാനും ഹാറ്റെ പ്രവിശ്യക്ക്​ സമീപം ഹെലികോപ്​റ്റർ തകർന്ന വിവരം സ്ഥിരീകരിച്ചു. ഞങ്ങൾ യുദ്ധത്തിലാണ്​ ഇത്തരം സംഭവങ്ങൾ ഉണ്ടാവും. ഞങ്ങൾക്ക്​ ഒരു ഹെലികോപ്​റ്റർ നഷ്​ടപ്പെട്ടിരിക്കാം പക്ഷേ അതിന്​ അവർ വലിയ വില കൊടുക്കേണ്ടി വരും ഉറുദുഗാൻ പറഞ്ഞു.

സിറിയയിലെ അഫ്രിൻ പ്രവിശ്യക്ക്​ സമീപം ഹെലികോപ്​റ്റർ വെടിവെച്ചിട്ട വിവരം കുർദ്ദുകളും സ്ഥിരീകരിച്ചു. സിറിയൻ യുദ്ധത്തിൽ തുർക്കി കൂടി ചേർന്നതോടെ പുതിയ പോരാട്ടത്തിനാണ്​ രാജ്യത്ത്​ തുടക്കമായിരിക്കുന്നത്​.
​